web counter
LEXO PA REKLAMA!

SHKARKO APP

App Store
Google Play

Të afërmit e Agron Kapllanajt goditën agjentët e BKH-së/ SPAK: U sulmuan pa motiv

16 Prill 2025, 11:51, Aktualitet CNA

Të afërmit e Agron Kapllanajt goditën agjentët e

SPAK ka reaguar pas ngjarjes së ndodhur një ditë më parë në Fier, ku shtetasit L. K., K. K., dhe G. K., të afërm të ish-kryebashkiakut të Mallakastrës, Agron Kapllanaj, kanë goditur agjentët e BKH-së.

Shtetasit janë arrestuar nga policia pas ngjarjes. SPAK-u në reagim ka theksuar se agjentët e BKH-së janë sulmuar pa motiv. 

"Hetuesit e Byrosë Kombëtare të Hetimit janë sulmuar gjatë kryerjes së detyrës në Qarkun Fier.

Byroja Kombëtare e Hetimit konfirmon sulmin që ndodhi mbrëmjen e datës 15 Prill kundër hetuesve të Byrosë Kombëtare të Hetimit dhe oficerëve të Policisë së Shtetit në qarkun e Fierit.

Hetuesit e BKH-së dhe efektivët e Policisë së Shtetit po kryenin detyra hetimore të deleguara, në kuadër të një hetimi të Strukturës së Posaçme kundër Korrupsionit dhe Krimit të Organizuar.

Mbështetur në informacionin e përcjellë nga Drejtoria Vendore e Policisë, Fier (DVP) dhe verifikimet e kryera, ngjarja ka ndodhur rreth orës 19:20 minuta, në aksin Fier – Patos. Ndërsa hetuesit e BKH-së dhe oficerët e Policisë së Shtetit po kryenin detyrën, janë sulmuar pa asnjë motiv nga persona tashmë të identifikuar dhe shoqëruar në DVP, Fier.

Të gjitha veprimet hetimore dhe proceduriale lidhur me ngjarjen janë duke u kryer nga Prokuroria e Juridiksionit të Përgjithshëm, Fier.

SPAK nënvizon se të gjitha veprimet e ndërmarra nga BKH janë në përputhje me ligjin dhe nën vëzhgimin direkt të prokurorëve të posaçëm.

SPAK u bën thirrje qytetarëve të bashkëpunojnë me institucionet e drejtësisë dhe të respektojnë autoritetin e hetuesve dhe Policisë së Shtetit që veprojnë në zbatim të detyrës së tyre. Integriteti dhe siguria e hetuesve të BKH-së dhe efektivëve të Policisë së Shtetit është thelbësore në angazhimin tonë për të luftuar korrupsionin dhe krimin e organizuar", thuhet në njoftimin e SPAK-ut./ CNA





Lajmet e fundit nga