E fundit!

10:21 Aktualitet

Fshehu qindra mijëra euro në tubimin e aspirimit/ Amnistia Penale nxjerr nga burgu pastruesen “famoze”

Rozeta Dobi, e dënuar për vjedhjen e një shume të konsider...

E Marta e Madhe, Shërbesa II e Dhëndrit/ Kryepiskopi Joan: Fjalët e Zotit na çojnë drejt dritës dhe shpëtimit

14 Prill 2025, 21:21, Aktualitet CNA

E Marta e Madhe, Shërbesa II e Dhëndrit/ Kryepiskopi Joan: Fjalët

Besimtarët ortodoksë festojnë javën e fundit të jetës së Krishtit që zyrtarisht quhet Java e Pësimit, ose siç njihet ndryshe si "Java e Madhe e Pashkës".

Në katedralen “Ngjallja e Krishtit” në kryeqytet është mbajtur mesha e së Martës së Madhe të Shenjtë, e njohur ndryshe si shërbesa e dytë e dhëndrit. Kjo shërbesë u drejtua nga Episkopi i Krujës, Hirësi Anastasi.

Pas përfundimit të meshës, Fortlumturia e Tij, Kryepiskop Joani mbajti fjalën e radhës ku dha mesazhe të forta për besimtarët që e ndoqën nga afër shërbesën. Kryepiskopi zbuloi tre tematikat kryesore të Shërbesës së Dytë të Dhëndrit, ndërsa theksoi se njerëzit duhet të fokusohetn tek pastrimi i brendshëm shpirtëror.

Kryepiskopi tha se shumë njerëz mund të ndjekin lutjet, por nëse nuk pastrojnë zemrat e gjithe puna e tyre është e kotë.

Kryepiskop Joani theksoi se Zoti kërkon nga qytetarët që të jenë vigjilentë, jo të plogësht dhe nuk duhet të shtyjmë pendesën për më vonë.

Vetëm fjalët e Zotit na çojnë drejt dritës dhe shpëtimit tha Fortlumturia e Tij.

Çdo ditë e Javës së Madhe ka shërbesa dhe tematika të veçanta, të cilat kryhen në të gjitha kishat e vendit, shërbesa të cilat do vijojnë në ditët pasuese.

“Shumë njerëz mund të ndjekin agjerimin, lutjet e gjithçka tjetër, kreshmat, por nëse nuk pastrojnë zemrën e tyre, gjithë puna tjetër është e kotë. Vetëm do japë një krenari boshe e një kokëfortësi. Prandaj dhe Zoti i qorton aq rëndë. Nëse ne nuk fitojmë hirin e Shpirtit të Shenjtë sa kohë që jemi gjallë nuk mund ta fitojmë dot kur të kapërcejmë atë kufi. Kjo është koha e përshtatshme. Indiferenca duke e shtyrë se do kem kohë të pendohem më vonë, ndoshta një ditë mund të na vijë vdekja papritur dhe të papenduar. Gjatë kësaj jave Zoti na këshillon, na kujton, për të na bërë të zgjuar, duke qenë vigjilentë”, tha Fortlumturia e Tij, Joani./ CNA