E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Incidenti në Fier mes BKH, Operacionales dhe njerëzve të Kapllanajt/ Reagon ish-kryebashkiaku, policia njoftim zyrtar

15 Prill 2025, 23:08, Aktualitet CNA

Incidenti në Fier mes BKH, Operacionales dhe njerëzve të

Ish-kryebashkiaku i Mallakastrës, Agron Kapllanaj, ka reaguar për incidentin e ndodhur ditën e sotme në qytetin e Fierit, ndaj njerëzve të tij, forcave të Operacionales dhe BKH-së.

Në një prononcim mediatik, ish-kryebashkiaku i Mallakastrës ka pohuar se në parkimin e zyrave të subjektit politik që ai përfaqëson ka shkuar një mjet i paloguar rreth orës 18:00 dhe prej andej ka ngritur një dron.

Ky veprim, sipas tij, është kryer dhe në një kohë të dytë dhe ka ngjallur dyshime të zyrtarëve që ishin brenda godinës.

“Kur ka shkuar roja i objektit për të kërkuar shpjegime se përse po ngrenë dronin nga parkimi i zyrave të tyre njëri prej agjentëve i ka thënë se ‘po kërkojnë të blejnë një pronë’, ndërsa më pas e ka ofenduar me fjalë të rënda”, pretendon Kapllanaj.

Gjithashtu një reagim zyrtar ka ardhur dhe nga policia. Blutë thonë se shërbimet e Operacionales dhe hetuesit e BKH-së janë goditur për shkak të detyrës.

“Fier/Informacion paraprak

Shërbimet e Drejtorisë së Forcës së Posaçme Operacionale në Departamentin e Policisë Kriminale në Policinë e Shtetit, së bashku me hetuesit e BKH-së pasditen e sotme kanë qenë me shërbim në qarkun e Fierit.

Rreth orës 19:20, të mbrëmjes së sotme, në aksin rrugor Fier - Patos, shërbimet operacionale të Policisë dhe hetuesit e BKH-së janë goditur për shkak të detyrës nga disa persona, të cilët janë identifikuar dhe shoqëruar në Drejtorinë Vendore të Policisë Fier për veprimeve të mëtejshme.

Të gjitha veprimet hetimore e procedurale janë duke u kryer nga Prokuroria e Juridiksionit të Përgjithshëm Fier”, njofton policia./ CNA