web counter
LEXO PA REKLAMA!

SHKARKO APP

App Store
Google Play

“Ortake me bandat kriminale”/ Ish-drejtuesi i lartë: Inkriminimi i policisë, rezultat i politikës

15 Prill 2025, 10:11, Aktualitet CNA

“Ortake me bandat kriminale”/ Ish-drejtuesi i lartë:

Ish-drejtuesi i lartë i policisë, Arben Hajdarmataj, ka komentuar situatën e rëndë me strukturat e policisë që menaxhohen nga krimi dhe kriminelët.

I ftuar në emisionin "Kafe Shqeto", Hajdarmataj u shpreh se inkriminimi i strukturave të policisë vjen si rezultat i frymës që përcjell edhe politika.

“Një situatë e tillë është evidente për shkak të shumë rrethanave do thoja unë. Shqipëria fatkeqësisht, viti i mbrapshtë, në 2016 arriti e kriminalizoi të gjithë zinxhirin komandues të Policisë së Shtetit. Çfarë do të thotë që, si parantezë, në të gjithë kohërat ka punonjës policie që janë të inkriminuar në një mënyrë ose në një tjetër.

Mendoj që do të ketë sepse nuk është e logjikshme të themi se do zhduken. Por fatkeqësia më e madhe e kësaj pune ishte se Policia e Shtetit u inkriminua në çdo nivel të saj dhe më e keqja është se niveli drejtues i Policisë së Shtetit arrin që të komandohet ose të jetë ortak me bandat kriminale.

Dhe ky inserti që paraqitët ju për shtetin anglez, mendoj se është vazhdë e kësaj situate. Nivelet mesatare të komandimit në Policinë e Shtetit sepse nuk flitet për një punonjës policie të rolit bazë, i cili nuk është mirë që të korruptohet, por edhe në qoftë se është i korruptuar aktiviteti i tij është i vogël.

Kurse niveli që shohim ne në këto raste është gjithmonë, pasi aty kishte edhe agjentë të infiltruar dhe sa mundësi ka që ai të krijojë dëm në strukturat e policisë dhe gjatë hetimit të një veprimtarie kriminale.

Ne kemi parë këtu që drejtori operacional siç është ai Bistri është pjesa më sensitive e policisë së shtetit e cila merret me gjurmime, me filmime, me përgjime. Pra, imagjino në çfarë niveli ka arritur inkriminimi i punonjësve të Policisë së Shtetit. Kjo është do të thoja unë, pjesa më e trishtë për sa i përket rolit që ka Policia e Shtetit.

Unë mendoj se inkriminimi i strukturës policore vjen si rezultat i frymës që përcjell edhe politika. Pra në qoftë se flasim, t'i rikthehemi kanabisit, ishte një vendim politik që u mor, që inkriminoi gjithë Policinë e Shtetit duke filluar nga punonjësi i rolit bazë e deri te drejtori i policisë së qarkut dhe deri te struktura politike siç ishte edhe ministri....”, tha Hajdarmataj./ CNA





Lajmet e fundit nga