E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Detajet nga GJKKO/ Qindra faqe të reja veprime, fakte dhe prova kundër Erion Veliajt

16 Prill 2025, 18:11, Aktualitet CNA

Detajet nga GJKKO/ Qindra faqe të reja veprime, fakte dhe prova kundër

Në mesditën e sotme është zhvilluar një seancë gjyqësore, ku fillimisht mediat e kryebashkiakut raportuan se qe kërkuar prej tij dhe kishte kërkuar lirinë. Në fakt, ishte një kërkesë e SPAK për t’iu drejtuar gjyqtarit paraprak, Erion Bani për masën e sigurisë dhënë nga ky i fundit, e cila më pas u konfirmua dhe në Apel, për burg pa afat.

Apeli i GJKKO lë në burg Erion Veliajn
13 Mars, 11:09

Personat të cilët janë nën masë sigurie “Burg pa afat”, në periudha të caktuar duhet të njihen me fakte dhe prova, pra arsyen pse janë mbajtur këto kohë dhe çfarë kanë bërë prokurorët. Çfarë hetimesh janë kryer dhe pse duhet të vazhdojë të mbahet në burg pa afat, këtë e ka vendosur Apeli i GJKKO në një vendim të sajin, i cili është ankimuar në Gjykatën e Lartë nga avokatët e Veliajt.

Sot ka ndodhur ajo që pritej, para gjykatës janë depozituar me qindra e qindra faqe dokumenta. Veprime të pafundme hetimore të kryera në dy muaj nga prokurorët e SPAK, Altin Dumani dhe Ols Dado. Gjithçka ka qenë mjaft e qartë. Prokurorët kanë vazhduar kanë thelluar çështjen hetimore ndaj Erion Veliajt, duke mos e lënë thjesht dhe vetëm te pikat që ata kishin kërkuar më parë në gjykatë, por kanë thelluar hetimet me fakte dhe prova të reja.

Këtë e konfirmon dhe e shpjegon fare mirë dhe kërkesa e avokatëve, të cilët kanë këkruar kohë për t’u njohur me faktet apo provat e reja, që kanë paraqitur prokurorët Altin Dumani dhe Ols Dado.

Tashmë është e qartë që në GJKKO, ashtu siç u raportua nga mediat disa javë më parë, para gjyqit të Apelit, se janë gjetur fakte të tjera kompromentuese për kryebashkiakun e Tiranës, janë thelluar hetimet, ka prova të reja.

Gjithçka tashmë pritet të konfirmohet zyrtarisht edhe pas qëndrimit që do të mbajnë vetë avokatët e kryebashkiakut Veliaj, të cilët nuk kanë kërkuar t’i lexojnë shpejt e shpejt prova në seancë, por duke qenë se ato kanë qenë voluminoze dhe të rëndësishme, kanë kërkuar që faktet dhe provat e reja t’i shqyrtojnë dhe kanë kërkuar një afat dhe më pas gjyqtari Erion Bani ka vendosur datën 23 prill./ CNA