web counter
LEXO PA REKLAMA!

SHKARKO APP

E fundit!

x

Dosja "5D"/ Shtyhet sërish seanca në GJKKO, zbulohet arsyeja

17 Prill 2025, 14:12, Aktualitet CNA

Dosja "5D"/ Shtyhet sërish seanca në GJKKO, zbulohet arsyeja

Është shtyrë sërish seanca në GJKKO për dosjen "5D". Mësohet se shkak i shtyrjes së seancës ishte zëvendësimi i avokatit të Redi Mollës, ndërsa një tjetër mbrojtës kërkoi kohë të njihet me aktet.

Raportohet se seanca e radhës do të mbahet në 30 prill.

Ish-drejtorët Redi Molla dhe Mariglen Qato gjykohen në këtë proces për veprat penale të korrupsionit pasiv, mosdeklarim pasurie dhe pastrim parash.

Ndërkohë të akuzuarit e tjerë Taulant Tushe, Nestor Muhametllari, Albano Janku, Julian Zanaj dhe Enton Punavia do të gjykohen për shkelje të barazisë në tenderë.

Nga hetimet e SPAK-ut rezulton se i pandehuri Redi Molla,në cilësinë e ish-drejtorit të përgjithshëm të shoqërisë Ujësjellës Kanalizime Tiranë sh.a., si dhe i pandehuri Mariglen Qato, si ish-drejtor i departamentit mbështetës në këtë shoqëri dhe në cilësinë e ish-kryeinspektorit të IKMT në Bashkinë Tiranë, kanë qenë pronarët “de facto” të shoqërisë "5D Konstruksion" sh.p.k, duke përdorur pronarë fiktivë, ndërsa vetëm në këtë dosje të dërguar për gjykim kanë marrë 12 tenderë duke përfituar rreth 2 milionë euro në periudhën 2016-2020.

Hetimet kanë zbuluar se në periudhën 2016-2018, kur Qato ka ushtruar funksionin e drejtorit të Departamentit Mbështetës në UKT, shoqëria "5D" ka fituar në kundërshtim me rregullat e prokurimit publik 4 tenderë, nga Bashkia Tiranë, “Tirana Parking” dhe “Klubi Sportiv Tirana”./ CNA





Lajmet e fundit nga