web counter
LEXO PA REKLAMA!

SHKARKO APP

App Store
Google Play

E fundit!

x

Krijuan kompani fiktive dhe shkaktuan 45 milionë lekë dëm/ Prokuroria e Tiranës dërgon për gjykim 4 persona

19 Prill 2025, 10:45, Aktualitet CNA

Krijuan kompani fiktive dhe shkaktuan 45 milionë lekë dëm/

Prokuroria e Tiranës ka dërguar për gjykim katër persona, për veprat penale “Mashtrimi”, “Fshehje e të ardhurave” dhe “Moskallëzim të krimit”.

Këta persona kanë krijuar tri subjekte tregtare për të kryer veprime fiktive importi me qëllim shmangien e detyrimeve tatimore.

Subjektet e krijuara kanë kryer qarkullim me vlerë 303 milionë lekë, ku rritën shpenzimet për të ulur normën e fitimit në 45 milionë lekë. Kjo vlerë konsiderohet dëm ndaj shtetit.

Njoftimi i prokurorisë:

Krijuan kompani për të kryer veprime fiktive importi në favor të tregtarëve të ndryshëm duke i shkaktuar shtetit një dëm 45.5 mln lekë, Prokuroria Tiranë dërgon në gjyq 4 persona

Prokuroria pranë Gjykatës së Shkallës së Parë të Juridiksionit të Përgjithshëm Tiranë përfundoi hetimet dhe dërgoi në gjyq katër persona për veprat penale ‘Mashtrimi’, ‘Fshehje e të ardhurave’ dhe ‘Moskallzim të krimit’ të parashikuara nga nenet 143, 180/25 dhe 300 të Kodit Penal.

Në kuadër të hetimeve mbi procedimin penal nr.1695 të vitit 2024, rezultoi se shtetasit S.M., Z.R., E.S. dhe P.K. kanë krijuar tre subjekte tregtare për të kryer veprime fiktive importi në favor të tregtarëve të ndryshëm, me qëllim shmangien e detyrimeve tatimore dhe furnizimin me mallra pa faturë tatimore.

Këto subjekte, të cilat kanë funksionuar si të ashtuquajturat “NIPT-e shëtitës”, kanë qenë të regjistruara me të dhënat personale të shtetasve Z.R, E.S. dhe P.K., ndërkohë që veprimet reale janë kryer nga shtetasi S.M, i cili përfitonte në mënyrë të drejtpërdrejtë nga kjo veprimtari.

Nga hetimet e prokurorisë, rezultoi se shtetasi S.M. ka përdorur marrëdhënien e tij të besimit me tre individët e tjerë për të ngritur subjekte biznesi në emër të tyre dhe për t’i përdorur si mjete për të realizuar aktivitetin e paligjshëm. Ai ka përdorur metoda të ndryshme për të shmangur tatimet dhe taksat.

Ndërkohë që tre shtetasit e tjerë, të akuzuar për veprën penale ‘Moskallëzim krimi’ fillimisht kanë vepruar në mirëbesim, por më pas kanë pranuar pagesa mujore dhe kanë pranuar hapjen e kompanive në emër të tyre.

Këto subjekte kanë kryer një qarkullim në vlerën 303,781,520 lekë, duke rritur shpenzimet për të ulur normën e tatim fitimit në vlerën 45,567,228 lekë, vlerë e cila konsiderohet si dëm ndaj shtetit.

Në përfundim të hetimeve, është provuar se veprimtaria kriminale përfshin elementët e veprave penale:

·   “Fshehje të Ardhurash në bashkëpunim” – neni 180/25 i Kodit Penal

·   “Moskallzim i Krimit” – neni 300 i Kodit Penal

·   “Mashtrimi”-neni 143 i Kodit Penal.

Organet e drejtësisë mbeten të angazhuara maksimalisht në goditjen e fenomeneve që cenojnë integritetin ekonomik dhe sistemin tatimor të vendit./ CNA

 





Lajmet e fundit nga