web counter
LEXO PA REKLAMA!

SHKARKO APP

App Store
Google Play

E fundit!

x

Festohet Pashka në Korçë/ Besimtarët mblidhen në bashkim dhe lutje

20 Prill 2025, 00:50, Aktualitet CNA

Festohet Pashka në Korçë/ Besimtarët mblidhen në

Mijëra besimtarë ortodoksë janë mbledhur në Katedralen “Ngjallja e Krishtit” në Korçë për të festuar me besim dhe përkushtim Pashkën, një nga ditët më të rëndësishme të kalendarit fetar. Ky qytet, i njohur për traditat e tij të thella shpirtërore, u shndërrua në një qendër të bashkimit dhe lutjes.

Mesha e shenjtë u drejtua nga At Ilia Kotnani, i cili në mesnatë njoftoi "Ringjalljen e Krishtit”. Kambanat kumbuan fuqishëm, ndërsa drita e qirinjve u përhap nga duart e tij te besimtarët, që e pritën me emocione dhe shpresë mesazhin “Krishti u ngjall, vërtet u ngjall”.

Sheshi përpara Katedrales dhe pedonalja e qytetit ishin mbushur nga njerëz jo vetëm nga Korça, por edhe nga vizitorët, të cilët kishin ardhur për të marrë pjesë në këtë ceremoni të veçantë. Të gjithë, me qirinjtë në duar, morën dritën dhe e çuan në shtëpitë e tyre, si simbol i besimit dhe urimit për paqe, shëndet e mbarësi.

Ashtu si çdo vit, Korça tregoi se mbetet një nga pikat më të rëndësishme të festimeve të Pashkës, ku besimi, tradita dhe bashkimi marrin kuptim të veçantë në zemrat e të gjithëve./CNA 





Lajmet e fundit nga