web counter
LEXO PA REKLAMA!

SHKARKO APP

App Store
Google Play

E fundit!

x

Mesha e Pashkës në Tiranë/ Kryepiskop Joani: Ringjallja e Krishtit është fitorja jonë

20 Prill 2025, 00:20, Aktualitet CNA

Mesha e Pashkës në Tiranë/ Kryepiskop Joani: Ringjallja e

Besimtarët orthodoksë po kremtojnë sonte Pashkën. Në Kishën “ Ngjallja e Krishtit” në Tiranë po vijon mesha e madhe, që po ndiqet nga qindra e mijëra besimtarë.

Mesha e shenjtë po drejtohet nga Kryepiskopi i Tiranës, Durrësit dhe gjithë Shqipërisë, Imzot Joani.

Në fjalën e tij, Kryepiskopi tha se Ngjallja e Krishtit është e vetmja ngjallje që ka sjellë gëzim.

Imzot Joani kujtoi për të gjithë besimtarët se Pashka e këtij viti kremtohet pa Kryepiskopin Anastas.

“Sonte është përkujtimi i ngjalljes së Zotit tonë. Nëse nuk do kishte pasur ngjallje, besimi ynë do të ishte i kotë. Nëpërmjet ngjaljjes, natyra jonë mori kuptim. Ringjallja e Tij është fitore. Çdo ringjallje ka sjellë trishtim, ndërsa në ngjalljen e Krishtit ka sjëllë gëzim.

Nuk e kemi mes nesh Kryepiskopin Anastas, por e dimë që është me Zotin.

Vdekja nuk është fundit. Ngjallja na forcon dhe na jep të gjithëve besim. Ja jep jetë prej jetës së tij. Kemi besim dhe besimi ynë nuk është emocion. Besimi është ndërtuar. Në botë ka padrejtësi dhe luftëra.

Janë tjetërsuar marrëdhëniet mes njerëzve. Errësira shpirtërore është pengesa më e madhe. Por sa më e madhë të jetë errësira, aq më e madhe duhet drita”,-tha Kryepiskopi Joan./CNA





Lajmet e fundit nga