web counter
LEXO PA REKLAMA!

SHKARKO APP

App Store
Google Play

Aplikimi për vizë/ Paralajmërimi i Ambasadës Amerikane: Mos i besoni askujt…

20 Prill 2025, 10:06, Aktualitet CNA

Aplikimi për vizë/ Paralajmërimi i Ambasadës Amerikane: Mos

Ambasada Amerikane në Tiranë ka bërë një paralajmërim për të gjithë qytetarët që duan të aplikojnë për vizë.

Ambasada udhëzon qytetarët që të mos i besojnë askujt që thotë se duhet të paguajnë për ndihmë për të aplikuar për një vizë.

“Sot ne jemi këtu për t’ju thënë të mos i besoni askujt që ju thotë se duhet të paguani për ndihmë për të aplikuar për një vizë!

Mos harroni! Askush nuk mund t’iu garantojë një vizë dhe mund të keni pasoja negative për aplikimin tuaj për vizë nëse lidheni me një agjent vizash që angazhohet me mashtrim ose jep informacione të pavërteta në aplikimin tuaj!

Pra kurseni paratë dhe mbroni të dhënat tuaja personale duke aplikuar vetë ose me ndihmën e një miku apo anëtari të familjes tuaj”, thuhet në mesazhin e Ambasadës së SHBA në Tiranë.

Theksohet të shmangen agjencitë dhe të ndiqen udhëzimet në video për të aplikuar për vizë.

“Shmangni agjencitë e vizave dhe ruajeni këtë video shpjeguese në momentin që jeni gati të filloni aplikimin tuaj për vizë. 

Pjesë e zbatimit të ligjit do të thotë të plotësoni saktë aplikimin për vizë dhe të jeni të sinqertë gjatë intervistës. Kjo video shpjeguese ju udhëzon gjatë gjithë procesit, ofron këshilla të dobishme dhe tregon detajet kryesore për të plotësuar saktë aplikimin. Kini kujdes kur të aplikoni - JU jeni të vetmit përgjegjës për informacionin që dërgoni, edhe nëse e plotësoni me një agjenci.

 Videon e plotë e gjeni këtu: https://bit.ly/4lfcAJL” / CNA

 





Lajmet e fundit nga