web counter
LEXO PA REKLAMA!

SHKARKO APP

App Store
Google Play

E fundit!

x

"U prehsh në paqe, Papa i popullit"/ Mesazhi i ngushëllimit të ministrit Balla

21 Prill 2025, 11:43, Aktualitet CNA

"U prehsh në paqe, Papa i popullit"/ Mesazhi i ngushëllimit

Ministri i Shtetit për Marrëdhëniet me Parlamentin, Taulant Balla, ngushëllon për ndarjen nga jeta të Papa Françeskut. Ati i shenjtë i katolikëve, që mbylli sytë në moshën 88-vjeçare, sapo besimtarët kremtuan Pashkën, ishte një mik i madh i shqiptarëve. Shqipëria ishte vendi i parë që ai vizitoi në Europë kur u zgjodh pas dorëheqjes së Papa Benediktit XVI.

Argentinasi Jorge Mario Bergoglio u bë Papa i parë nga Amerika Latine dhe u shqua për përulësinë dhe përkushtimin ndaj të varfërve. Ai ishte një figurë unifikuese që punoi pa pushim për paqen, drejtësinë sociale dhe dialogun ndërfetar.

"U prehsh në paqe, Papa i Popullit, Papa Françesku, zëri i të varfërve i cili çeli një faqe të re për Kishën Katolike.

Papa Françesku do të kujtohet gjithmonë për dashurinë e tij për jetën, përpjekjet për paqen dhe angazhimin e pandërprerë për drejtësi dhe barazi sociale," shkruan ministri Balla në një postim në "Facebook", shoqëruar me një foto që përjetëson vizitën historike të Papa Françeskut, shtatorin e vitit 2014 në Tiranë, ku mbajti dhe meshën në sheshin "Nënë Tereza".

Në Shqipëri, Papa Françesku inkurajoi forcën e dialogut ndërmjet feve, në perspektivën e së mirës së përbashkët, në një vend me shumicë myslimane, dhe inkurajoi gjithë popullin për të vazhduar në udhën e demokracisë.

“Nënë Tereza është bijë e madhe e këtyre trojeve. Paqe në shtëpitë tuaja!”, kështu u lut Papa Françesku në Tiranë më 21 shtator 2014.

Papa Francesku shkeli tokën shqiptare, plot 21 vjet pas vizitës së Papës tashmë shenjtor të Kishës Katolike, Gjon Pali i II-të./CNA 





Lajmet e fundit nga