web counter
LEXO PA REKLAMA!

SHKARKO APP

App Store
Google Play

E fundit!

x

A ke frikë nga Monika Kryemadhi?/ Meta “trimërohet” para ish-bashkëshortes

24 Shtator 2024, 15:45, Aktualitet CNA
A ke frikë nga Monika Kryemadhi?/ Meta “trimërohet” para
Kreu i Partisë së Lirisë, Ilir Meta

Kreu i Partisë së Lirisë, Ilir Meta, ka mohuar të ketë frikë nga deputetja Monika Kryemadhi, ish-bashkëshortja e tij  me të cilën ndodhet në process divorci, pasi kjo e fundit mund të dalë si kandidate e pavarur për Qarkun e Tiranës.

Në një deklaratë për mediat, Meta është shprehur se nuk i druhet askujt dhe se PL do të ketë një rezultat shumë të lartë në zgjedhjet e ardhshme.

“Frikë nga Monika Kryemadhi, si një kandidate e pavarur? Ilir Meta do të udhëheqë Partinë e Lirës dhe listën e saj në kryeqytet dhe në Qarkun e Tiranës, sepse është qarku më i madh i vendit tonë dhe nuk i druhet kreut të narko-shtetit dhe instrumenteve mafioze të tij dhe askujt tjetër, gjithmonë duke respektuar qytetarët e Tiranës dhe gjithë Qarkut të Tiranës.

Krenar sepse kam bërë shumë vepra të mira për Tiranën. I kam kthyer parkun 'Rinia', ia kam kthyer unë si kryeministër. Bëra mirë që i prisha ato kioskat dhe i ktheva parkun kryeqytetit, sepse po të mos e kisha bërë atë gjë, ky do prishte kioskat dhe do bënte ato kullat 300-katëshe.

I kam marrë në mbrojtje zonën historike si kryeministër dhe ky pastaj kur i mori të gjitha pushtetet vetë, e shembi teatrin atje dhe shkatërroi zonën, vetëm për projekte korruptive dhe kam bërë shumë gjëra të tjera në Tiranë.

Kam shumë arsye për të përfaqësuar të gjithë qytetarët e Tiranës, por jo vetëm. Rezultati i PL-së do të jetë fantastik në Qarkun e Tiranës, shumë më lartë se rezultati më i mirë që ka pasur ish-LSI në kohën që e drejtoja unë”, u shpreh Meta./ CNA





Lajmet e fundit nga