web counter
LEXO PA REKLAMA!

SHKARKO APP

E fundit!

x

“Bashkia Tiranë, simboli i korrupsionit dhe krimit”/ Meta, thirrje qytetarëve: Bashkohuni në protestë

24 Shtator 2024, 15:26, Aktualitet CNA
“Bashkia Tiranë, simboli i korrupsionit dhe krimit”/ Meta,
Ilir Meta

Opozita vijon betejën e saj dhe nesër do të organizojë protestës e 27-të para Bashkisë së Tiranës.

Kreu i Partisë së Lirisë, Ilir Meta, në një deklaratë për mediat ditën e sotme u ka bërë thirrje qytetarëve të bashkohen në protestën që do të mbahet ditën e nesërme në orën 11:00 para Bashkisë së Tiranës.

Meta ka theksuar se Bashkia e Tiranës është kthyer në simbol të korrupsionit dhe krimit të organizuar.

"Ndërkohë dihet që Bashkia e Tiranës është kthyer në simbolin më të shëmtuar të korrupsionit dhe krimit të organizuar.

Erion Veliaj, me garancinë që ka marrë nga 'kolegët e drejtësisë' apo SPAK-u i Dumanit, vazhdon pa ndërprerje pagesat për inceneratorin fantazmë ndërkohë që Tirana është e përmbytur nga plehrat, kudo, ja këtu, te sheshi 'Willson' i pashë pak më parë, edhe para disa ditësh dhe i postova në rrjetet sociale, në mes të ditës, këtu, në mes të Tiranës, pastaj mendo se çfarë ndodh në periferi të kryeqytetit, ndërkohë vazhdohen abuzimet e tmerrshme me tenderët dhe lejet e ndërtimit, vijon me korrupsionin dhe vjedhjet skizofrenike të parave të qytetarëve me '5D'-të e tij ndërkohë që të gjithë e ndiejmë mungesën e shërbimeve dinjitoze dhe më elementare që ky institucion duhet t’u ofrojë të gjithë atyre që paguajnë taksat, duke filluar nga uji i pijshëm që ende mungon, tek infrastruktura e rrënuar rrugore, te shkollat me dy turne, mungesa e parqeve dhe këndeve të çlodhjes.

Partia e Lirisë mbështet protestën e qytetarëve të Tiranës dhe të opozitës së bashkuar para këtij institucioni dhe u bën thirrje të gjithëve bashkohemi nesër në orën 11:00 para Bashkisë së Tiranës për të kërkuar ndëshkimin sa më parë të Erion Veliajt, i cili duhet të japë llogari për korrupsionin dhe krimet që i ka bërë Tiranës", tha Meta./ CNA





Lajmet e fundit nga