web counter
LEXO PA REKLAMA!

SHKARKO APP

App Store
Google Play

50-vjetori i Kongresit të Drejtshkrimit/ Ironizon Rama: Po flamuri i NATO-s ç'kërkon këtu

10 Nëntor 2022, 11:03, Aktualitet CNA

50-vjetori i Kongresit të Drejtshkrimit/ Ironizon Rama: Po flamuri i NATO-s

Kryeministri Edi Rama, po mban fjalën e tij në Kongresin e Drejtshkrimit.

Gjatë fjalës së tij ai nuk i kurseu ironitë, e kësaj here e kishte me flamurin e NATO-s, ku tha se nuk e kupton se përse ndodhet mes flamurit të Shqipërisë, Kosovës e Maqedonisë.

 “Tre flamujt të qendrojnë bashkë si flamuj që mishërojnë ndër të tjera dhe në të njejtën kohë, një pakt të vështirë siç është gjuha.

E dimë shumë mirë, por rreziku gjithnjë e më i madh është ta marrim si diçka që ka qenë gjithmonë aty. Sa e pamundur është dukur jo shumë shekuj më parë, por deri disa vite më parë që shqipja të pranohej flitej e shkruhet lirisht si e drejtë themelore e shqiptarëve edhe në Kosovë e në Maqedoninë e Veriut.

Nga ana tjetër, i vetmi flamur që nuk kuptova pse është është ai i NATO-s. Ua thashë edhe organizatorëve se deri te flamuri i BE e kuptoj. Akademia ka shpëtuar edhe nga ankthi i madh i luftimit të komunizmit”, tha ai.

Rama më tej u shpreh se drejtshkrimi dhe gjuha e njësuar, është një proces konsolidimi i frymës së një kombi.

 “3 dhjetëvjetorë pas rënies së komunizmit, drejtshkrimi na duket se ka qenë gjithmonë aty. Sikur e kemi një mundësi që mund edhe ta shpërdorojmë, ta vëmë në pikëpyetje, ndërkohë që dua ta falënderoj akademinë për këtë konferencë, e cila vlen për të kujtuar të kundërtën, se konsensusi gati unanim që u gjet për drejtshkrimin 50 vite më parë është mahnitës, po të kesh parasysh se në ç’konflikte të përgjakshme e procese rraskapitëse kanë ecur gjuhë të tjera për t'u njehsuar e për t'u bërë palca e skeletit të paqes sociale. Historia na mëson se drejtshkrimi e gjuha e shkruar janë proces konsolidimi i frymës i germës së një kombi i qenies së një kombi”, tha ai./CNA.al





Lajmet e fundit nga