web counter
LEXO PA REKLAMA!

SHKARKO APP

App Store
Google Play

50 mijë euro ilaçe kontrabandë/ Ministria e Shëndetësisë, apel qytetarëve, porosia

21 Tetor 2023, 15:18, Aktualitet CNA
50 mijë euro ilaçe kontrabandë/ Ministria e
Foto ilustruese

Ditën e sotme, me urdhër të Prokurorisë u arrestuan 16 persona të përfshira në aktivitet të paligjshëm.

Ilaçe të kontrabanduara që vinin nga shtetet fqinje, hynin në Shqipëri dhe shiteshin me çmime më të larta.

Ilaçet kontrabandë të sekuestruara kapnin shifrën e 50 mijë eurove.

Pas këtij aksioni, ka reaguar Ministria e Shëndetësisë.

Ministria u ka bërë apel qytetarëve që të mos pranojnë ilaçe pa pullë fiskale.

“Përgëzojmë prokurorinë dhe strukturat e policisë së shtetit për punën e tyre në parandalimin e hyrjes në vendin tonë të barnave kontrabandë.

Të gjitha ilaçet në farmacitë tona kanë kusht ligjor që të jenë të pajisura me pullën fiskale. Farmacitë, në respekt të qytetarëve, duhet të tregojnë kujdes në tregtimin e barnave, duke u bazuar në të gjitha rregullat dhe ligjet në fuqi.

Nga ana tjetër, u bëjmë thirrje edhe qytetarëve që të jenë mjaft të kujdesshëm në këtë aspekt, dhe të pranojnë vetëm barna të pajisura me pullën fiskale.

MSHMS, së bashku me institucionet e varësisë dhe organet kompetente, do të vijojë të jetë mjaft e ashpër në marrjen e masave dhe vendimeve, për sa i përket veprave të tilla penale, të cilat rëndojnë tek shëndeti i qytetarëve tanë”, thuhet në reagimin e Ministrisë së Shëndetësisë./ CNA

 





Lajmet e fundit nga