web counter
LEXO PA REKLAMA!

SHKARKO APP

App Store
Google Play

E fundit!

x

30 mjete bujqësore në protestë/ Gjobiten me 1 milion lekë fermerët në Korçë

22 Korrik 2024, 16:06, Aktualitet CNA
30 mjete bujqësore në protestë/ Gjobiten me 1 milion lekë
Fermerët në Korçë

Më shumë se 30 drejtues të mjeteve bujqësore që protestuan ditën e sotme për mungesën e tregut dhe importin nga vendet e rajonit, janë përballur me masa të rrepta dhe sipas fermerëve të padrejta nga ana e policisë së Korçës.

Fermerët janë gjobitur nga policia me masa administrative prej 1 milion lekësh të vjetër, me arsyen e zënies së sipërfaqes rrugore. Fermerët kanë kontestuar këto gjoba duke thënë se traktorët dhe zetorët nuk kanë zënë asnjë sipërfaqe rrugore apo të kenë bllokuar rrugën kryesore, pasi janë parkuar jashtë vijës së bardhë.

Fermerët kërkojnë të anulohen këto gjoba të majme pasi po falimentojnë jo vetëm te prodhimet bujqësore, por sot morën edhe një tjetër goditje me gjobat e larta prej 1 milion lekësh.

"Me kerkesën e fermerëve të Qarkut të Korçës organizuam një protestë me bllokim rruge me mjetet bujqësore. Kërkesa e fermerëve është për padrejtësitë që u bëhen fermerëve të sotëm nga qeveria. Fermerët janë pjesa më e goditur e tregut shqiptar, prodhimet e tyre po hidhen në kanale dhe po dalin me kosto më të larta e po shiten me çmim më të ulët. Kjo ndodh sepse po hyn produkt informal nga vendet e rajonit si Kosova. Shteti shqiptar i ka lënë në harresë, nuk i ka subvencionuar në asnjë lloj forme. I kërkojmë dhe i japim një afat 10 ditor, nëse smerr masa emergjente për ndërhyrjen në dogana që futin mall pa akcizë e pa kontroll, për subvencionimin e fermerëve, ne do bllokojmë rrugët."

"Na kanë vënë gjoba nga 1 milion për traktorët. E kam dëgjuar vetë kur i ka thënë policëve që të filmojnë dhe të marrin targat e të gjitha mjeteve. Mora vesh që i vunë gjobë një shokut tonë, më erdhi keq dhe thamë të vëmë të gjithë nga 50 mijë lekë të vjetër për t'ia paguar. Kur vij këtu më thonë që u vendosën të gjithëve nga 1 milion gjobë. Traktorët nuk zunë vijat e bardha, këmbeheshin dy makina. U bllokua për një moment kur po jepnim intervistë. Provokimi i policisë e prishi protestën. Me mjete nuk e bllokuam rrugën, unë nxora 4 zetorë, patjetër që gjoba është në të katërta mjetet sepse u fotografuan nga policia."

"Manifestimi që e quaj paqësor ishte shumë në rregull. Në momentin kur vjen drejtori i policisë bashkë me policët u agravua situata. Traktorët që kishim nxjerrë në protestë ishin jashtë vijave të bardha. Policia e shtetit na ka vënë nga 1 milion lekë të vjetër për çdo traktor. Ne kërkojmë heqjen e gjobave, kërkojmë që prodhimet të kenë një standard me vendet fqinj dhe kërkojmë takim me ministren e bujqësisë. Grurin e shitëm me 200 lekë (të vjetër), të paguajmë dhe gjobën, të na vejë me 150 lekë, edhe kalamajtë pastaj të dalin në rrugë të lypin."/ CNA





Lajmet e fundit nga