web counter
LEXO PA REKLAMA!

SHKARKO APP

E fundit!

x

Ilir Beqaj, në qeli/ Apelon masën e sigurisë “arrest me burg”

22 Korrik 2024, 15:02, Aktualitet CNA
Ilir Beqaj, në qeli/ Apelon masën e sigurisë “arrest me
Ilir Beqaj

Ish-ministri i Shëndetësisë, Ilir Beqaj, ka apeluar masën e sigurisë arrest me burg.

Avokati mbrojtës i ish-ministrit është shprehur se nuk ka asnjë gjasë që Ilir Beqaj të largohet jashtë vendit. Ndër të tjera, sipas tyre, nuk ekzistojnë kushtet ligjore për masën shtrënguese.

Kujtojmë se të enjten, Gjykata e Posaçme, me kërkesë të SPAK-ut, lëshoi 7 masa sigurie, 3 "arrest me burg", 2 "arrest shtëpie" dhe 2 "detyrim paraqitje", si dhe kontrolle në banesa apo objekte, pas hetimeve për abuzimet me fondet e BE-së.

Ish-ministri i Shëndetësisë, Ilir Beqaj, është një nga personat e arrestuar. Bashkë me të ranë në prangat e policisë Ermal Kurtulaj dhe Alfred Nikolla. Ky i fundit tashmë do jetë në “arrest shtëpie”

Në arrest shtëpie janë lënë edhe Gazmend Haxhia dhe Elton Marini, ndërsa janë kontrolluar banesat për dy persona të tjerë, Bledar Leka dhe Bjona Zijaj.

Urdhër-arrestet janë firmosur nga prokurorja Elida Kaçkini, ndërkohë që vendimi për ekzekutimin e tyre është marrë nga gjyqtarja Rudina Palloi./ CNA





Lajmet e fundit nga