web counter
LEXO PA REKLAMA!

SHKARKO APP

App Store
Google Play

E fundit!

x

Grida Duma “kapërcen ylberin"

24 Maj 2022, 08:51, Politikë CNA

Politika shqiptare ka prodhuar shumë personazhe, mes të cilëve edhe persona me hije skandali, të cilat duhet të njihen nga votuesit shqiptarë.

Mes personazheve të politikës, e cila ?shkëlqeu? si një berishiste, është edhe deputetja e PD-së, Grida Duma, karriera e së cilës është shoqëruar me jo pak bëma dhe gjëma.

Grida Duma, në gati nëntë vite, është mes atyre personazheve të politikës, që ka mbështetur çdo çmenduri politike të Lulzim Bashës, duke e çuar PD-në në këtë situatë që është sot, ku për herë të parë qëndron tri mandate radhazi në Opozitë.

Më 9 shtator 2021, Lulzim Basha i vetëm i mbyllur në zyrën e tij dhe pa u konsultuar me strukturat e partisë përjashton nga grupi parlamentar, ish-kryeministrin dhe liderin historik të PD-së, Sali Berisha.

Sërish Grida Duma, edhe pse dikur ?shkëlqeu? në politikë si një berishiste, doli në krah të Lulzim Bashës.

Më 11 dhjetor, bëhet Kuvendi i Jashtëzakonshëm i PD-së, shkarkohet Lulzim Basha, Grida Duma del kundër Kuvendit të demokratëve.

Më 18 dhjetor merr pjesë në anti-Kuvendin e Lulzim Bashës, ku del e deklaron se ?Lulzim Basha është i pafajshëm.(Lexo këtu)

Ajo në atë kohë deklaronte se ?do apo nuk do Sali Berisha, ti Lulzim Basha je kryetari legjitim i Partisë Demokratike, dhe mitingu i 11 dhjetorit nuk e ndryshon këtë fakt.  Asnjë nuk e di numrin e delegatëve të 11 dhjetorit, ai është nul nga pikëpamja ligjore, por nuk është i tillë nga pikëpamja morale?.

Për më tepër, Duma në atë kohë deklaronte se ?Berisha e shndërroi PD-në në Foltore turpi kundër Shteteve të Bashkuara, duke vënë paralele të turpshme midis SHBA-së dhe Bashkimit Sovjetik, por kjo nuk mund të jetë kurrë në emrin tim.

Në protestën e 8 janarit, u dhunuan demokratët. Grida Duma ishte me policinë dhe Bashën.

Më 6 mars 2022 mbahen zgjedhjet e pjesshme lokale, ku partia e Lulzim Bashës humbet turpshëm. Nuk merr asnjë bashki, katandiset forcë e tretë politike.

Me datën 7 mars, Grida Duma ?kapërcen ylberin?.(Lexo këtu)

Ajo që deri më 6 mars ishte mbështetësja kryesore e Lulzim Bashës, tashmë është kthyer kundër këtij të fundit.

Menjëherë pas dështimit në zgjedhje, Duma i ka drejtuar gishtin Lulzim Bashës, të cilit i kërkoi të mbajë përgjegjësi, dhe të japë dorëheqjen.

Më tej, duke luajtur ?rolin e Hirushes?, Grida Duma doli me një tjetër qëndrim publik ku tha se do të japë dorëheqjen si nënkryetare e PD-së.

Ndërkohë, së fundmi duket se me Grida Dumën ka ndodhur ?çudia?. Tashmë Grida Duma pranon se lideri i PD-së, është ai për të cilin më parë shprehej se ?ka kthyer PD-në në foltore turpi?.

Një ditë më parë, në një prononcim për mediat, ndërsa është pyetur në lidhje me zgjedhjet për kryetar të Partisë Demokratike, ku fitoi Sali Berisha, Grida Duma tha se ?Unë e njoh Sali Berishën si lideri që krijoi dhe është në themel të PD-së, do ta respektoj për të gjithë personalitetin e tij dhe do të di të përgjigjem për momentet më të vështira të PD-së dhe për të njohur vullnetin e shqiptarëve.?

Pra, tashmë që Duma e shikon qartë se koha e Lulzim Bashës në PD, ka mbaruar, kërkon të kapë ç’të mundet, duke tentuar të ?hidhet në prehrin? e Berishës./CNA.al

?Dorëzohet? Grida Duma/ Pranon Berishën si lider

Video-?Ti je më i pafajshmi?/ Basha ?inkurajohet? nga Grida Duma

Hijet e Grida Dumës/ Nga borxhet, lidhja me Santon, ?dorëzimi? në zyrën e Tahirit te video-skandali erotik





Lajmet e fundit nga