LEXO PA REKLAMA!

SHKARKO APP

“Qeveritarët shtojnë pasuritë përrallore”/ Berisha i ‘kërkon llogari’ Edi Ramës: Qytetarët, në mjerim

19 Maj 2022, 16:50, Aktualitet CNA
“Qeveritarët shtojnë pasuritë përrallore”/

Lideri historik i PD-së, Berisha, është ndalur pasditen e sotme në qytetin e Korçës ku po mban takimin e radhës me demokratët.

Gjatë fjalës së tij Berisha ka falënderuar korçarët për mbështetjen që i dhanë PD-së në një moment kritik.

?I dhatë mbështetje PD-së në një moment kritik të saj. Kjo mbështetje, kjo energji, bëri që forca jonë politike të vijë sot faktikisht më e fortë se kurrë.

Të vijë sot opozitë e vërtetë e këtij kombi e vendosur me misionin e saj të shpëtojë Shqipërinë, vendin nga një regjim autokratik, i cili me qeverisjen e tij po rrënon çdo ditë, muaj dhe vit jetesën, idenë nga një qeveri që nuk kontrollohet më nga qytetarët, por nga interesat personale të qeverisë.

I shkëputur tërësisht nga ju krijon për vete planet, pasuri përrallore, por qytetatrëve u garanton mjerimin.

Me politikat që ndjek regjimi aktual autokratik, është regjimi më antishqiptar që ka qeverisur këtë vend pas atij të Enver Hoxhës, Shqipëria, Korça, çdo skaj i këtij vend ka një pasuri përrallore, ka burime të pafundme po ku janë banorët në raport me këto pasuri.

Ata jetojnë sikur ndodhen në një botë, vend tjetër. Sot nuk jemi të pushtuar nga një fuqi e huaj, por kemi një regjim që për qëndrimet që mban ndaj qytetarëve, tejkalon edhe pushtuesit më të këqij?, tha Berisha./CNA.al

 

Lajmet e fundit nga