web counter
LEXO PA REKLAMA!

SHKARKO APP

App Store
Google Play

E fundit!

x

Pas megaoperacionit të SPAK-ut/ Kraja zbardh raportin për 2021-shin

20 Maj 2022, 08:39, Aktualitet CNA

Kreu i SPAK-ut, Arben Kraja, një ditë pas megaoperacionit, ka raportuar te komisioni i Ligjeve, raportin e SPAK-ut për vitin 2021.

Kraja tha se me paratë e konfiskuara nga aktivitetet kriminale janë ngritur laboratorë eksperimentalë. Gjithashtu, Kraja raportoi se 11 të pandehur janë arrestuar për pastrim parash. Ndërsa shtoi se hetimet pasurore kanë qenë objekt i hetimeve.

?Ne kemi ngritur një laborator të ekspertimeve digjitale me fondet e konfiskuara nga aktiviteti kriminal. Kemi aplikuar, kemi marrë fondin, janë blerë pajisjet. Kemi marrë tre nga ekspertët më të mirë që janë në vend e është bërë eficient në fund të vitit 2021.

Janë trajnuar prokurorët e hetuesit e BKH-së. Për periudhën e fundit janë kryer 118 akte ekspertimi. Kemi ushtruar funksionin me një staf prej 13 prokurorësh nga 20 të miratuar nga Kuvendi. Në korrik kemi emëruar 2 prokurorë duke u bërë 15 dhe në dhjetor 2 të tjerë duke shtuar 17. Nga shtatori 2021 kanë filluar detyrën oficerët e BKH-së. Është bërë vlerësimi i punës për të gjithë stafin. Janë parashikuar mbi 340 mln për efekt personeli. Në strukturë janë miratuar 164 punonjës. Prokurorë nga 20 kanë qenë 15. Hetues në BKH kanë qenë 29. Gjatë vitit të kaluar kemi vënë në evidencë zyrën e përgjimeve, e atashuar pranë Prokurorisë së Posaçme. Për periudhën e fundit kemi marrë akte ekspertimi. Sigurimi i bazës së të dhënave, bazuar në ligjin për SPAK-un kemi të drejtë të marrim akses.

Duhet të kemi infrastrukturë të ngritur e më pas të marrësh sisteme. Kemi ngritur infrastrukturë moderne. Rrjetet tona janë certifikuar. Kemi siguruar lidhje me fibër optike. Ka filluar marrja e aksesit, që ne i shfrytëzojmë për efikasitetin e hetimit. Të punosh nga sistemi me letër e të kthehesh në sistem elektronik ka vështirësi. Aktualisht jemi në proces të blerjes së pajisjeve. Kemi pasur informacione me një sërë institucionesh. Kemi vlerësuar bashkëpunimin në nivel ndërkombëtar. Kemi pasur rritje për ndihmë juridike. 50% u është kthyer përgjigje?, – është shprehur Kraja./ CNA.al





Lajmet e fundit nga