web counter
LEXO PA REKLAMA!

SHKARKO APP

App Store
Google Play

E fundit!

x

Loja me dosjen “184”, para kamerave/ Tallja me krimet zgjedhore në Këshillin Kombëtar të Integrimit

19 Maj 2022, 09:46, Aktualitet CNA

Që nga marrëveshja e 17 majit 2017 mes kryeministrit Edi Rama dhe ish-kreut të PD-së, Lulzim Basha, në Shqipëri nuk pati më Opozitë.

Ajo që quhet Opozitë, u bë një zgjatim i pushtetit në këmbim të interesave personale, biznesore të të dyja palëve.

Edhe sot, kur Lulzim Basha nuk është kryetar i PD-së efektet ndihen. Të ashtuquajturit ?grupi i Bashës? tentojnë ta mbajnë gjallë këtë marrëveshje.

Një ditë më parë në mbledhjen e Këshillit Kombëtar të Integrimit Europian, deputetja e PD-së, Jorida Tabaku, ka mbajtur lojën e PS-së, në lidhje me dosjen “184”.

Reagimi i saj të paktën këtë tregoi.

Kujtojmë se Tabaku u shtroi një pyetje drejtuesve të organit të akuzës, se çfarë po ndodh me dosjen e Dibrës.

?Çfarë po ndodh me dosjen e Dibrës në të cilën jeni edhe ju. Sot nga 9 ligje që cilësojnë kapjen e shtetit, 7 i ka votuar Manja. Është çështje edhe e vullnetit politik për të çuar gjërat para. Krimet zgjedhore për mua dosja e Dibrës ku janë përfshirë disa ministra ku edhe i nderuari Ulsi Manja ulur këtu me mua është shembulli më i keq. Në këtë dosje janë edhe disa ministra të përfshirë, çfarë po ndodh me dosjen e Dibrës?, u shpreh Tabaku.

Përgjigje për këtë pyetje nuk mori nga drejtuesit e Prokurorisë, as nga Olsian Çela dhe as nga Arben Kraja, por nga Ministri i Drejtësisë, Ulsi Manja, i cili e ironizoi.

?Unë kam një përgjigje shumë të shkurtër për të gjitha ato që ju thatë, ju vazhdoni dhe mirë bëni që i monitoroni seancat e dosjes ‘184’. Unë nga Dibra kam merak që nuk të solla një tufë lule për 8 mars për ato 5080 vota që qytetarët e Dibrës më nderuan në zgjedhjet e 6 marsit?, iu përgjigj Manja.

Dhe me kaq u mbyll historia e dosjes “184”, sa për të thënë se meqë mbledhja ishte direkt, në trasmetim live, u tha diçka nga një deputete e Opozitës.

Këtë lojë e kanë kuptuar prej kohësh demokratët, të cilët kanë reaguar në rrjetin social të Tabakut, duke i kujtuar se janë bërë një me Qeverinë Rama.

?Bashko votat me Elisën se ashtu luftohet korrupsioni… kush pret drejtësi nga ata që vjedhin votën e popullit?

Me gjithë respektin o Jorida, më dukesh shumë e ulët? U bëtë një me Qeverinë Rama, tani na ndritët zonja Jorida? turp për ju që nuk e dini se kush ju bëri deputete…

Duhet të zgjidhni automatikisht çështjet e brendshme, Alibeaj nuk ju përfaqëson dot. Nëse Berisha vazhdon o bashkohuni ose dilni parti më vete… sa më vonë aq më keq??, shkruajnë demokratët.

Reagimet e demokratëve janë të ashpra ndaj Tabakut, dhe vënë në dyshim sjelljen e saj, që sipas tyre është fasadë.

?Të paftyrë dilni dhe gënjeni njerëzit? Po bëheni fasadë e pushtetit me paturpësinë më të madhe. Ju ka vënë Kimetja në rrjesht si pula të lagura… pse nuk pyete njeherë ti se kush i mblodhi banditët me 21 janar për të sulmuar kryesministrinë… jeni bërë jenisherët e radhës në parlament…?, shkruajnë më tej demokratët./CNA.al





Lajmet e fundit nga