web counter
LEXO PA REKLAMA!

SHKARKO APP

App Store
Google Play

Manastirliu jep lajmin/ Miratohet financim shtesë për sistemin shëndetësor

18 Maj 2022, 11:33, Aktualitet CNA

Qeveria ka miratuar sot financim shtesë për sistemin shëndetësor.

Lajmin e ka bërë të ditur pak më parë ministrja e shëndetësisë, Ogerta Manastirliu, e cila tha se paratë e akorduara do të vijnë si një fond nga Banka Botërore.

Në një deklaratë për mediat, Manastirliu tha se paratë do të përdoren për të përmirësuar infrastrukturën në spitale dhe shërbimin e tyre.

?Kemi arritur marrëveshje për financim shtesë për sistemin shëndetësor. Është një projekt që vjen në kohën e duhur sepse jemi në një reformë të rëndësishme pas miratimit në Kuvendin e Shqipërisë, ku pjesë është dhe modeli i ri i autonomisë spitalore. Ajo do të sjellë eficiencë të shërbimeve. Kjo marrëveshje huaje, është marrëveshje që garanton vijimin e reformave.

Në aspektin e parë për rinovimin e infrastrukturës spitalore. Edhe pse në një periudhë të vështirë s?i kemi ndalur investimet. Sikurse materniteti i Lezhës, i Beratit, që kanë përfunduar vitet e fundit. Përfunduam spitalin pediatrik, kemi përfunduar spitalin pediatrik të Durrësit. Çelim javën tjetër spitalin pediatrik të Elbasanit. Kjo mbështetje financiare, do të vijojë mbështetjen për infrastrukturën spitalore.

Do të përfundojmë 4 spitalet rajonale ku po punohet për sistemin digjital. Janë bërë hapa përpara sa u përket shërbimeve online dhe ato shërbime që kanë reduktuar burokracitë. Jemi të bindur që ky projektligj që presim të kalojë në Kuvend do i hapë rrugën një faze të re të komponentit të rëndësishëm siç është menaxhimi i shërbimeve spitalore në vendin tonë?, theksoi ministrja./ CNA.al





Lajmet e fundit nga