web counter
LEXO PA REKLAMA!

SHKARKO APP

App Store
Google Play

E fundit!

x

Tri grupe negociatorësh për Presidentin/ Mediu: Mungon interesi, duhet të ishim një trup i vetëm

19 Maj 2022, 20:40, Aktualitet CNA

Zgjedhja e presidentit të ri të Republikës, ka qenë temë diskutimi sonte në ?Top Story”, ku ishte i ftuar dhe Fatmir Mediu, pjesë e  grupit negociator.

Për të propozuar emra dhe për të caktuar Presidentin e ri të Republikës, deri më tani janë ulur në tryezë me mazhorancën tri grupe negociatorësh.

Sipas Mediut, opozita së pari duhet të ishte serioze me veten, ndërsa zgjidhjen e shikon te propozimi i dy ermave.

?Nuk mbizotëron interesi për të pasur President një përfaqësues të dinjitetit të popullit. Opozita duhet të ishte serioze me veten e vetë së pari. Duhet të kishte një trup negociues, jo tre siç i kemi, që tregon mungesë vullneti, sepse unë kam thënë dhe emra që do të ishin të pranueshëm nga të gjithë.

Nëse nuk dimë të jemi korrekt me njëri-tjetrin? ajo që kishim detyrë nuk ishte të bindnim mazhorancën, kishim për detyrë të kishim një-dy kandidatura për të cilat të binim dakord të gjithë.

Për mua, në momentin që jemi sot, i vetmi shans është që të ketë kandidaturë të miratuar nga të gjithë deputetët e parlamentit të Shqipërisë dhe në këtë proces të dilnim me një figurë, dy figura të pranueshme për pozicionin e Presidentit?./CNA.al

 

 





Lajmet e fundit nga