web counter
LEXO PA REKLAMA!

SHKARKO APP

App Store
Google Play

FMN: Shqipëria duhet të japë më shumë mbështetje për shtresat në nevojë

19 Maj 2022, 18:08, Aktualitet CNA

Një nga sugjerimet e ekipit të FMN-së në përmbyllje të misionit të tyre në Tiranë është se përballë rritjes së çmimeve, Shqipëria duhet të japë më shumë mbështetje për shtresat në nevojë.

FMN sugjeron se në vend të monitorimit të çmimeve për disa artikuj bazë nga Bordi i Transparencës, qeveria duhet të ofrojë mbështetje për të varfrit dhe shtresat e ekspozuara me qëllim mbrojtjen e tyre nga efektet e rritjes së çmimeve.

Kryesuesja e misionit, Yan Sun, ?rritja e theksuar e çmimit të energjisë dhe ushqimeve si edhe rritja e kostove të financimit të jashtëm për shkak të luftës në Ukrainë, përfaqësojnë goditjen e tretë për ekonominë e Shqipërisë në vitet e fundit?.

FMN-ja i bën thirrje qeverisë që të forcojë ligjin për takimin mbi të ardhurat që synon thjeshtimin, rritjen e efikasitetit dhe barazi më të madhe mes tatimpaguesve të cilët fitojnë lloje të ndryshme të ardhurash.

Sipas FMN-së, pavarësisht vështirësive vendi do të ketë një rritje me 3% të ekonomisë për shkak të ndikimit pozitiv të turizmit dhe ndërtimit.

FMN-ja sheh si shqetësim rritjen e inflacionit, gjë e cila pritet të kthehet sërish brenda objektivit (3%) në fillim të vitit 2024.

Për planin e qeverisë për një aministi fiskale, FMN-ja shprehet kundër duke renditur si shqetësim për rreziqet që lidhen me pastrimin e parave dhe administrimin tatimor./euronews





Lajmet e fundit nga