“Boll me lojën topa-luftash!”/ Luçiano Boçi paralajmëron Alibeajn

6 Maj 2022, 14:13, Politikë CNA

Deputeti i PD Luçiano Boçi, ka reaguar për mbledhjen e thirrur sot nga Enkelejd Alibeaj, i cili ndonëse u shkarkua nga Kuvendi i 30 prillit, vazhdon të sillet si kryetar i Grupit Parlamentar.

Boçi ironizon Alibeajn dhe kërkon që ky i fundit të ndalë ?lojën topa-luftash?, ndërsa thekson se do vazhdojë të përpiqet që të arrijë vendosjen e normalitetit të komunikimit politik brenda Grupit.

Ai paralajmëron se çdo tentativë për të manipuluar rolin e Grupit Parlamentar e për ta përcarë atë për axhenda personale që shkojnë kundër interesit të demokratëve, nuk do të pranohet!

?Nxitimi për të shpikur një mbledhje të Kryesisë së Grupit Parlamentar, dhe për të manipuluar komunikimin politik brenda Grupit Parlamentar, shfaq nxitimin për të ndjekur axhenda personale të paracaktuara.

Në mungesë së Kryetarit të Grupit (tashmë i shkarkuar) mbledhja thirret nga nënkryetarët.

Sot u kërkua takim konsultativ, jo mbledhje me Kryesinë e vogël, të cilën unë dhe z. Salianji për shkak të angazhimeve e propozuam në orën 17.00.

Por padurimi sipas parimit ?unë jam lokomotiva (e shkarkuar) dhe thërras vagonin e parë?, se dua të kap destinacionin, prevaloi mbi qëllimin tonë për normalitet dhe gjithëpërfshirje të grupit parlamentar.

E çuditshme se si ata që janë gati të ulen në çdo kohë me Ballën për të ndjekur Ramën nga pas, nuk paskan durimin të bëjnë takim me përfaqësues të PD-së?!

Pra as mbledhje nuk ka pasur dhe as takim konsultativ, përderisa ka nxitim për të vënë mungesa dhe për të krijuar sajesa.

Sepse:

– Kryesia e Grupit Parlamentar përbëhet nga kjo Kryesia e vogël, kryetarët dhe nënkryetarët e komisioneve, nënkryetarët e partisë. Statuti e rregullorja e përcaktojnë qartë.

– Kryesia e vogël nuk merr vendime. Konsulton. Ajo është thjeshtë një pjesë e Kryesisë. Vendimet i takojnë Kryesisë së grupit jo asaj të voglës.

– Kuorumi i supozuar nuk formohet me të shkarkuar nga funksioni.

Boll me lojën topa-luftash!

Ne kemi kërkuar e do vazhdojmë të përpiqemi që të arrijmë vendosjen e normalitetit të komunikimit politik brenda Grupit.

Çdo tentativë për të manipuluar rolin e tij e për ta përcarë atë për axhenda personale që shkojnë kundër interesit të demokratëve nuk do të pranohet!?, shkruan deputeti në rrjetet sociale./ CNA.al