web counter
LEXO PA REKLAMA!

SHKARKO APP

App Store
Google Play

E fundit!

x

Vojo Bregu, “piranja” e administratës

19 Prill 2022, 09:13, Politikë CNA

Vojo Bregu, “piranja” e administratësKa disa personazhe në Shqipëri, të cilët pasi kanë “shkëlqyer” në administratë, me bëmat dhe gjëmat e tyre, kërkojnë të “rehabilitohen” në media.

Një ndër këta personazhe është edhe famozi Vojo Bregu, ish-Sekretari i Përgjithshëm i Ministrisë së Bujqësisë, në kohën që ky institucion drejtohej nga LSI.

Gjatë kohës që ka qënë Sekretar i Përgjithshëm i Ministrisë së Bujqësisë, Vojo Bregu është përfshirë në skandal, në lidhje me abuzimet në tendera, për të cilat ka pasur edhe një kallëzim në prokurori në pranverën e vitit 2021.

Auditimi i KLSH-së ka nxjerrë në pah abuzimet e Bregut në disa tendera. Sipas KLSH-së, Bregu ka bërë shkelje të rënda ligjore në prokurime të zhvilluara kryesisht me negociim pa shpallje paraprake dhe fond limit 525 milion lekë pa tvsh të këtij tenderi.

Abuzime janë gjetur edhe në prokurimin e “blerjes së pajisjeve për shërbimin veterinar”, ku fondi i përcaktuar është dy herë më i lartë se ai i tregut. Procedura është sërish negociim pa shpallje paraprake të njoftimit të kontratës.(Lexo këtu)

Por, pas “shkëlqimit” në Ministrinë e Bujqësisë, famozi Vojo Bregu kandidoi për deputet në siglën e LSI-së, në zgjedhjet e 2021. Ku sërish pati “shkëlqimin” e tij, duke mos fituar mandate deputeti.

E tashmë që ka kaq shumë “shkëlqime” në karrierën e tij në administratë e më pas kandidat për deputet, Vojo Bregu kërkon të rehabilitohet në media.

Ashtu sikurse është paralajmëruar nga CNA.al tashmë Vojo Bregu do të shfaqet në media, me një të ashtuquajtur emision investigativ.

CNA.al ka raportuar më parë se famozi Vojo Bregu, ka blerë një pjesë të kohës televizive në ekranin e AbcNews, ky i fundit tashmë i blerë nga biznesmeni Klodjan Alljabeu, dhe nga ky ekran do të fillojë “misionin e tij”, në rolin e producentit.

Ndërkohë, tashmë mësohet se emisioni në fjalë do të nisë të martën e javës që vjen. Një emision investigative, ku producent është as më pak e as më shumë se “piranja” e administratës.

Ndërkohë që do të duhej të ishte përballë SPAK, për të dhënë llogari për tenderat abuzivë, tashmë Vojo Bregun e shohim në media.

Gjë që në fakt, con në dyshime se ajo që kërkon me një të ashtuquajtur emision investigativ, Vojo Bregu, është thjeshtë dhe vetëm të shpëtojë lëkurën e tij.

Pra, ky është një tjetër zyrtar i LSI që përfundon pas akuzave për shpërdorime me detyrën.

Dhe jo thjeshtë një “piranjë”, por mesa duket është një personazh me kafshim “peshkaqeni”./CNA.al

CNA e paralajmëroi/ Fillon emisioni i skandalozit Vojo Bregu

Emisioni i “kamikazit” të tenderave abuzive/ Vojo Bregu nga SPAK, në media

Çfarë kërkon famozi Vojo Bregu, në korridoret e Abc News?

Dalin në shesh bëmat e Vojo Bregut/ Kallëzohet në Prokurori për abuzime me tenderat

Ekskluzive-Intervista e plotë/ Murrizi zbulon skandalet miliona euro të Panaritit e Vojo Bregut





Lajmet e fundit nga