web counter
LEXO PA REKLAMA!

SHKARKO APP

Meta ngre “alarmin e kuq”/ “Zbrazje katastrofike e vendit”

19 Prill 2022, 09:24, Politikë CNA

Presidenti Ilir Meta ka reaguar lidhur me treguesit demografikë të INSTAT, sipas të cilëve Shqipëria ka 50 mijë qytetarë më pak krahasuar nga viti 2020.

Me anë të një statusi në rrjetet sociale, Kreu i Shtetit ngre alarmin e kuq, teksa deklaron se Shqipëria ka një zbrazje katastrofike.

?Treguesit demografikë të INSTAT, dëshmojnë për zbrazjen katastrofike të vendit.

Shqipëria ka në vit 50 mijë qytetarë më pak edhe përtej edhe skenarit më negativ të parashikueshmërisë së zvogëlimit demografik.

Thënë ndryshe çdo vit fshihet nga harta popullsia e një qyteti mesatar.

Ky është një alarm i kuq për ndaljen sa më parë dhe me çdo kusht të këtij shterrimi asgjësues të popullit.

Ky model “zhvillimi” nuk është gjë tjetër veçse model dëshpërimi dhe asgjësimi.

Koha për të ndalur këtë shkretim, të programuar të vendit nga “Rilindja” lokale dhe ndërkombëtare?, thekson Meta./ CNA.al





Lajmet e fundit nga