E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Fuga të na sqarojë cilës propagandë gjermane i ngjason agjencia e tij?

18 Prill 2022, 15:35, Opinione CNA

Nga Ylli Dylgjeri

Euroactiv ka 100% të drejte kur thotë se Agjencia shqiptare nuk përngjet me atë gjermane.

Po, Agjencia e Propagandës e krijuar nga Rama nuk ka ngjashmëri me atë gjermane sot. Ka tjetër përmase lirie e kriteresh Agjencia gjermane e lajmeve. Nëse kërkon krahasim mund të na sqaroje se ngjashmerinë e ka, por me thellë në historinë e gjermanisë. Pikat e takimit të saj sot janë me Ministrinë e Propagandës Gebelsiane.

Pra, jo të gjermanisë sotme.

Pse do më thoni ?

Me ardhjen e Ramës në pushtet u centralizua edhe propaganda. U lidh fjala. Ngriu. Vetem Kryeministri del në publik e flet pa fund. Ministrat u frenuan, drejtorët u ngrinë. U larguan nga administrata e lartë specialistët për 4 vargje të shkruara ne FB. U dënua nga Kryeministri me 60 ditë ngrirje gazetarja pse e pyeste Ate.

Media pësoj deformimet e veta me lirinë e fjalës.

TV e më pas me shtypin i shkruar shkoj drejt falimentit nëse nuk informonte si Qeveria. U centralizua gjithshka. U blenë analistët.

Cdo kush sot e sheh kete centralizim te Top Channel, te Klan, te Vizion Plus, Report TV, etj, etj.

Na kujtohen me ironi përshëndetjet e djeshme të Ramës: “Të fala Sandrit”, dhe më pas binjakezimi me të kur Ai erdhi në qeverisje. Na kujtohet kujdesi permanent për emrime i gazetareve të Topit dhe drejtuesve të Tij në sektorët dhe institucionet shtetrore, për të vazhduar më pas me banaqet e blinduara në TV-të shqiptare me sejmenet e Ramës.

Mjaftojnë këto për të kuptuar rivendosjen tinëz dhe më pas hapur të fjalës propagandë në Marrdhëniet Publike. E fjalës popull në vend të fjalës publik.

Edi Rama punoi në këto vite tinëzisht me agjitpropin e tij.

Kudo në Ministritë e linjës drejtuesit e marrëdhënieve publike miratoheshin më parë nga zyra e propagandës së Kryeministrit për të filluar punë. Po ashtu edhe lajmi që trasmetonin ishte i diktuar e miratuar. Radikalizimi kaloi cdo prag. U ble media nga kompanitë mafioze të inceneratorëve. Shifrat e honorareve dhe pagesave me bordero nga to, janë marramendëse. Drejtuesit e lartë të Administratës Publike u zhduken nga komunikimi në media me Publikun.

Në Kryeministri u shkri Drejtoria e Informacionit Shtypit dhe Letrave e përbërë nga 12 punonjës të shërbimit civil e më pas u atashua pranë ATSH-së. Ishte kjo levizje tranzite e zyrës që u zëvendësua sot me një Agjenci në format Ministrie me 69 punonjës militantë me “gjak Fuge”. Kjo shihet në mbulimin, markimin e lajmit të portaleve dhe informacionit të politizuar e të përgjysmuar, që përgenjeshtrohet më pas nga mediat serioze ndërkombëtare. Janë këto përgënjeshtrime që sot nxjerrin zbuluar lajmin fake të Kryeministrit dhe idealizmin e deklaruar të Fugës.