E fundit!

10:15 Aktualitet

VIDEO-Protestë nga burgu i Pojskës/ E burgosura: Rama jep dorëheqjen

Një e burgosur në burgun e Pojskës është filmuar nga drita...

Kërkoi 12 mijë euro për ekstradimin e një personi nga Italia/ Përfundojnë hetimet, çfarë vendosi SPAK për avokatin Lavdosh Shehu

5 Prill 2022, 14:18, Aktualitet CNA

SPAK ka dërguar për gjykim në GJKKO dosjen për avokatin Lavdosh Shehu dhe zyrtarin e Ministrisë së Drejtësisë Hamza Tola.

Shehu u arrestua disa kohë më parë, pasi akuzohet se ka kërkuar 12,000 euro një familje duke i premtuar ekstradimin nga Italia duke korruptuar zyrtarë të Ministrisë së Drejtësisë. Më 22 Tetor SPAK lëshoi urdhrin për arrestimin e avokatit.

Ka qenë emisioni investigativ “Stop” që e ka denoncuar si rast, ndërsa bashkëshortja e avokatit në një reagim për CNA.al u shpreh se filmimi ishte i montuar.

Reagimi i SPAK:

Prokuroria e Posaçme Kundër Korrupsionit dhe Krimit të Organizuar Tiranë, pas përfundimit të hetimeve, ka dërguar për gjykim në Gjykatën e Posaçme të Shkallës së Parë Kundër Korrupsionit dhe Krimit të Organizuar, procedimin penal nr. 179 të vitit 2021, në ngarkim të të pandehurëve:

Lavdosh Shehu, me profesion avokat, i akuzuar për kryerjen e veprës penale ?Ushtrimi i ndikimit të paligjshëm ndaj personave që ushtrojnë funksione publike?, në bashkëpunim, parashikuar nga neni 245/1, paragrafi i dytë dhe neni 25 i Kodit Penal ;

Hamza Tola, punonjës shërbimi në Ministrinë e Drejtësisë, i akuzuar për kryerjen e veprës penale ?Ushtrimi i ndikimit të paligjshëm ndaj personave që ushtrojnë funksione publike?, në bashkëpunim, parashikuar nga neni 245/1, paragrafi i dytë dhe neni 25 i Kodit Penal ;

Nga hetimet rezultoi e provuar se shtetasi Lavdosh Shehu, i ka kërkuar familjes së shtetasit F.H., një shumë prej 12 000 (dymbëdhjetë mijë) euro, duke premtuar dhe siguruar se ka aftësinë për të ushtruar ndikim në funksionarë të Ministrisë së Drejtësisë, për kryerjen e transferimit të shtetasit F.H. nga shteti Italian, për të vuajtur dënimin në Shqipëri. Këtë ndikim në funksionarët e Ministrisë së Drejtësisë, shtetasi Lavdosh Shehu, do ta realizonte në bashkëpunim me shtetasin Hamza Tola, punonjës shërbimi në këtë Ministri. Në vijim, shtetasi Lavdosh Shehu, ka arritur të marrë nga familjarët e të dënuarit F.H. vetëm një shumë prej 5 000 (pesë mijë) euro.

Hetimet e kësaj ngjarje, janë bërë e mundur, falë edhe ndihmës të dhënë nga emisioni investigativ televiz ?Stop? i Tv Klan./E.K-CNA.al

Avokati në burg për rryshfet/ Bashkëshortja akuza emisionit investigativ: Regjistrimi i montuar