LEXO PA REKLAMA!

SHKARKO APP

E fundit!

x

Rusia e etiketon Meta-n 'organizatë ekstremiste'/ Lejohet vetëm përdorimi i WhatsApp-it

21 Mars 2022, 15:01, Tech CNA
Rusia e etiketon Meta-n 'organizatë ekstremiste'/ Lejohet

Një gjykatë në Moskë ka vendosur të etiketojë platformat Meta si një “organizatë ekstremiste”, një veprim që në mënyrë efektive i nxjerr jashtë ligjit platformat e saj të mediave sociale Facebook dhe Instagram.

Gjykata bëri me dije se vendimi i marrë sot hyn në fuqi menjëherë.

Prokurorët e shtetit e paraqitën kërkesën pas një raporti të 10 marsit se Meta Platforms po lejonte përdoruesit e Facebook dhe Instagram në disa vende të bënin thirrje për dhunë kundër rusëve dhe ushtarëve rusë pas pushtimit të paprovokuar të Ukrainës nga Moska më 24 shkurt.

Autoritetet ruse kishin bllokuar tashmë aksesin në Facebook. Moska ka ndërmarrë masa për të kufizuar aksesin në mediat e pavarura, përfshirë mediat sociale, gjatë vitit të kaluar.

Vendimi, sipas prokurorëve, do të nxjerrë jashtë ligjit vetëm Facebook dhe Instagram dhe jo platformën e mesazheve WhatsApp të Meta-s./CNA.al

 

Lajmet e fundit nga