web counter
LEXO PA REKLAMA!

SHKARKO APP

App Store
Google Play

Ukraina gati listën për SHBA-të/ “Na duhen sisteme kundërajrore dhe municione”

16 Mars 2022, 17:35, Kosova & Bota CNA

Ukraina ka përpiluar një listë përmbledhëse për asistencën e kërkuar  ushtarake dhe teknologjike, listë e cila do t?i paraqitet qeverisë amerikane, me shpresën se do të plotësohet në ndihmë të rezistencës ndaj sulmeve ruse.

CNN raporton se lista është organizuar në bazë të niveleve të domosdoshmërisë, duke filluar nga nevojat urgjente deri te prioriteti i ulët.

Të përfshira në seksionin e prioritetit kryesor janë: sistemet kundërajrore, duke përfshirë raketat dhe lëshuesit S300 dhe stinger, armët antitank, lloje të ndryshme municionesh artilerie, aeroplanë, mjete të blinduara dhe helikopterë.

Lista përfshin gjithashtu dronët amerikanë shumë të avancuar – të quajtur sisteme sëitchblade – të cilët mund të fluturojnë nga distanca dhe të hedhin në erë objektivat milje larg. Këto armë u shtuan në listë pasi ukrainasit u konsultuan me partnerët e Kongresit gjatë fundjavës për një draft listë. SHBA-ja do të duhet të sigurojë trajnime për trupat ukrainase nëse SHBA-ja u jep atyre ato armë, por burimet thanë se kjo mund të bëhet nga distanca.

Përtej armatimit, kërkesat e Ukrainës përfshijnë gjithashtu: stacione radari, kontroll të automatizuar për sistemet kundërajrore, radio, komplete mjekësore dhe armaturë trupore.

?Çelësi është se ukrainasit kanë nevojë për sisteme të sigurta komunikimi në të cilat rusët nuk mund të hyjnë?, raportoi CNN./ CNA.al

 





Lajmet e fundit nga