web counter
LEXO PA REKLAMA!

SHKARKO APP

App Store
Google Play

Programi i Sigurisë Kufitare/ Ambasada amerikane mbështet trajnimin e doganierëve në Shqipëri dhe Kosovë

15 Mars 2022, 17:16, Aktualitet CNA

Ambasada amerikane në Shqipëri me anë të një postimi në Facebook ka bërë të ditur se ka qenë mbështetëse e trajnimit për doganierët shqqiptarë dhe ata të Kosovës. Trajnimi u zhvillua në Aeroportin Nënë Tereza dhe ofronte klasa teorike dhe praktike për përmirësimin e aftësive zbuluese të doganierëve.

?Ambasada e Shteteve të Bashkuara Amerikane në Tiranë mbështeti trajnimin mbi Analizimin e Imazheve me Rreze X për 21 doganierë shqiptarë dhe kosovarë këtë muaj. Trajnimi, i cili është pjesë e programit të Sigurisë Kufitare të Ambasadës, ofroi një kombinim klasash teorike dhe ushtrimeve praktike në Aeroportin Ndërkombëtar të Tiranës, për të përmirësuar aftësitë zbuluese të kontrolluesve doganorë?, njoftoi ambasada.

Në reagimin e saj Ambasa e SHBA në Tiranë bëri gjithashtu me dije se në trajnim u prezantuan teknika për zbulimin e rasteve të kontrabandës së armëve apo sendeve të tjera të paligjshme.

Po ashtu ambasada ka dhuruar një skaner me rreze X për Aeroportin Ndërkombëtar të Tiranës.

?Trajnimi prezantoi gjithashtu teknika të vlefshme për zbulimin e përpjekjeve për të kontrabanduar armë dhe sende të tjera të paligjshme. Trajnimi u zhvillua pas dhurimit të fundit të Ambasadës së Shteteve të Bashkuara të një skaneri modern me rreze X për terminalin e mbërritjeve të Aeroportit Ndërkombëtar të Tiranës?, thuhet në njoftim./E.K-CNA.al





Lajmet e fundit nga