LEXO PA REKLAMA!

SHKARKO APP

Zgjidhet anëtari i ri Gjykatës Kushtetuese/ Zbardhet emri

15 Mars 2022, 14:08, Aktualitet CNA
Zgjidhet anëtari i ri Gjykatës Kushtetuese/ Zbardhet emri

Bazuar në nenin 7/ç të ligjit nr. 8577, datë 10.2.2000 ?Për organizimin dhe funksionimin e Gjykatës Kushtetuese të Republikës së Shqipërisë? (i ndryshuar) dhe Rregullores ?Për zgjedhjen e anëtarit të Gjykatës Kushtetuese?, Mbledhja e Posaçme e gjyqtarëve të Gjykatës së Lartë zhvilloi, sot, më datë 15 mars 2022, procesin e votimit për zgjedhjen e anëtarit të Gjykatës Kushtetuese.

Mbledhja e Posacme e gjyqtarëve të Gjykatës së Lartë, pasi u njoh me listën e kandidatëve të renditur nga Këshilli i Emërimeve në Drejtësi, në përfundim të procesit të votimit, vendosi të shpall fitues me 7 (shtatë) vota pro, kandidatin Sandër Beci, i cili do të zërë vendin e anëtarit Fatmir Hoxha.

Rezultati i votimit do t’i njoftohet menjëherë, Kryetarit të Kuvendit,  Presidentit të Republikës dhe Kryetarit të Gjykatës Kushtetuese./CNA.al

Lajmet e fundit nga