web counter
LEXO PA REKLAMA!

SHKARKO APP

App Store
Google Play

Ilir Ikonomi bën reagimin e fortë/ Çfarë po ndodh me tanket dhe ushtarët rus

26 Shkurt 2022, 21:51, Aktualitet CNA

Gazetari Ilir Ikonomi ka reaguar për situatën e rëndë që është krijuar në Ukrainë pas luftës nga Rusia.

Në një postim në rrjetin social Facebook, Ikonomi shkruan se presidenti rus Vladimir Putin nuk ka një strategji dalje nga kjo situatë, ndërsa shton se është e paqartë mënyra se si do e mbajë të pushtuar një territor të madh si Ukraina me 40 milionë banorë.

Madje, gazetari shton se nga burimet e tij të besueshme ?një pjesë e tankeve ruse kanë mbetur pa karburant dhe flitet për ushtarë që kanë mbetur pa ushqim?. Ai tha se shumë ushtarë janë të çorientuar dhe nuk e kanë mendjen tek lufta, ndërsa paralajmëron se do ketë dezertime në masë nga ana e rusëve.

“Po bëhet e qartë se Rusia po e humbet davanë pa e nisur mirë luftën.

Putini nuk duket të ketë një strategji daljeje dhe është e paqartë se si do ta mbajë të pushtuar një territor kaq të madh me mbi 40 milion banorë.

Gjithandej shikon tanke ruse të shkatërruara me armën amerikane antitank Javelin – Shtiza. SHBA dhe Gjermania po sjellin me nxitim shtiza të tjera që shpojnë me sukses koracat ruse. Ukrainasit kanë përdorur me sukses raketat Stinger – Pickues për të rrëzuar avionë. Ata kanë vite që trajnohen.

Sipas burimeve të besueshme, një pjesë e tankeve ruse kanë mbetur pa karburant dhe flitet për ushtarë që kanë mbetur pa ushqim.

Disa ushtarë pyesin ?përse jemi këtu?? Siç mund të shihet në disa video që vijnë nga terreni, ata janë totalisht të çorientuar, nuk e kanë mendjen për luftë.

Dhe të mendosh se ky është vetëm fillimi. Shumë shpejt do të shohim dezertime në masë të rusëve. Morali po bie me shpejtësi”, shkruan Ikonomi./E.K-CNA.al





Lajmet e fundit nga