web counter
LEXO PA REKLAMA!

SHKARKO APP

App Store
Google Play

E fundit!

x

Agresioni rus/ Nesho komenton situatën: Ndërhyrje fashiste, po revizionohen kufijtë e vendeve sovrane si Ukraina

26 Shkurt 2022, 16:09, Aktualitet CNA

Diplomati Agim Nesho ka komentuar tensionet mes Rusisë dhe Ukrainës, që tashmë kanë hyrë në ditën e tretë.

Në një intervistë televizive, ai tha se sulmi i Rusisë është një ndërhyrje fashiste nga një lider që ka dashur të thyej të gjitha normat dhe ligjet e komuniteti ndërkombëtar.

?Një ndërhyrje fashiste e projektuar nga një lider që ka dashur të thyej të gjitha normat e komuniteti ndërkombëtar, ligjet dhe të hedhi poshtë të gjitha kartat e OKB-së.

Kemi prej tre ditësh një rezistencë të admirueshme të ushtrisë së Ukrainës ndaj një sulmi, pasi në Moskë mendohej se Ukraiana do merrej për 10 minuta.

Kauza e tyre është një kauzë fashiste, kërkojnë me mënyrat më revanshiste që të revizionojnë kufijtë e vendeve sovrane si Ukraina.

Mënyra se si është organizuar populli i Ukrainës, ushtria nuk qëndron në qytete që të mbrojnë qytetet, por qëndrojnë në rrethina dhe populli është armatosur dhe po presin agresorin duke luftuar në ato lagje që ai është afruar deri në 30 km larg Kievit.

Thirrja e presidentit të Ukraninës është një shembull rezistence ndaj fuqive që po tregojnë ekspansionin e tyre.

Ai i bëri thirrje edhe shteteve perëndimore që masat dhe sanksionet të jenë sa më të shpejta dhe të ashpra që të gjunjëzojnë Rusinë?, tha Nesho./E.K-CNA.al





Lajmet e fundit nga