E fundit!

16:00 Aktualitet

“Të shtyhet afati i komisionit”/ Zhupa te “Territorialja”: Duhet mendimi i ekspertëve ndërkombëtarë për ndarjen e re

Deputetja e Partisë Demokratike, Ina Zhupa, ka kërkuar në ...

Klodiana Lala zbardh dosjen/ Si trafikoheshin makinat e vjedhura nga Kosova, kjo ishte oficerja që i kalonte në kufi

26 Shkurt 2022, 15:31, Aktualitet CNA

Gazetarja Klodiana Lala ka zbardhur dosjen e makinave të vjedhura, që trasportoheshin nga Kosova drejt Shqipërisë.

?Jam në ndjekje të një elementi kriminal. Është urgjente. Mos më regjistro dhe mos më pengo në punën time?. Me këtë justifikim sipas gazetares, Vojsava Doda, oficere e Forcës së Posaçme Operacionale në Policinë e Shtetit, arrinte të linte territorin e vendit dhe të udhëtonte në drejtim të Kosovës. Atje, në bashkëpunim dhe me persona të tjerë, pjesë e një grupi të strukturuar kriminal, që drejtohej nga Selaudin Shahini, vidhnin automjete dhe pasi u ndërronin targat, i sillnin në Shqipëri.

Lala shton më tej se për të mos u pikasur në kufi, grupi shfrytëzonte oficeren e Operacionales, e cila teksa përballej me kolegët në pikën e kalimit kufitar në Morinë, prezantohej si agjente vëzhgimi dhe se ishte në aksion e sipër, dhe në kushte urgjence, ata nuk duhet të regjistronin hyrje daljet e saj. Herën e fundit, që pjesëtarët e grupit kriminal vodhën një automjet ne Kosovë, diçka e papritur ndodhi. Pronari i makinës Golf 7 po udhëtonte drejt Shqipërisë, kur në rrugën e Kombit pikas automjetin e tij. Ai njofton policinë e Rrëshenit, e cila nuk arrin ta ndalojë automjetin. Edhe policia e Lezhës, vihet në lëvizje, por se ndalon dot. Automjeti ndalohet në Kamzë.

Oficerja e policisë e cila drejtonte makinën e vjedhur kishte hyrë në pikën e kalimit kufitar në Morinë në orën 19.30 të mbrëmjes së 24 shkurtit. Punonjësi I policisë së pikës së kalimit kufitar Fatri Braha, tashmë nën arrest si i dyshuar, iu sqaroi hetuesve të gjithë situatën, mëson gazetarja Klodiana Lala.

?Kanë qenë minutat e fundit të orarit të shërbimit, kur kjo shtetase në momentin e paraqitjes në kabinë, me nxori një dokument të Policisë së Shtetit me mu prezantua si agjente në vëzhgim e Sektorit të Forcës së Posaçme, në drejtorinë e Përgjithshme. Më relatoi se është në ndjekje të një procedure urgjente. E kam lejuar të kalojë pa u regjistruar në sistemin TIMS, për shkak të urgjencës. Të dhënat e saj dhe targat e automjetit i kam mbajtur shënim me mendimin që ti hedh më vonë në sistem?, tha në dëshmi Fatri Braha.

Pas bllokimit të automjetit, policia në kuadër të operacionit ?Naciomal?, arrestoi kreun e dyshuar të grupit, Selaudin Shahini, k,ushëririn e tij, Ndricim Shahini, Ervis Carën, Aurel Shatrin, Vojsava Dodën, oficere e Operacionale, si dhe dy punonjësit e policisë, Endi Ahmetaj e Fatri Braha.

Sipas policisë Selaudin Shahini, i cili ishte në rolin e drejtuesit, në bashkëpunim me lidhje të tij familjare dhe shoqërore, kishte krijuar një rrjet personash që funksiononin si një grup i strukturuar kriminal, dhe trafikonin mjete motorike të vjedhura, nga Kosova në drejtim të Shqipërisë.

?Ndricim Shahini nëpërmjet lidhjeve të tij shoqërore në Kosovë, siguronte automjetet e vjedhura në këtë shtet. Trafikimi i këtyre mjeteve bëhej nëpërmjet PKK Morinë, dhe kalimin e tyre, e kryente shtetasi Fatri Braha, me detyrë punonjës Policie në stacionin e Policisë Kufitare Morinë, i cili nuk i regjistronte mjetet motorike që kalonin?, njoftoi policia. Pas arrestimit të shtatë personave, dosja iu kalua SPAK, pas dyshimeve se ata vepronin si grup i strukturuar kriminal.