web counter
LEXO PA REKLAMA!

SHKARKO APP

App Store
Google Play

E fundit!

x

“Zgjedhjet e 6 Marsit më të vështira”/ Edi Paloka: Do i japin fund historisë së mashtrimeve

21 Shkurt 2022, 19:39, Politikë CNA

Deputeti Edi Paloka ka deklaruar se zgjedhjet e pjesshme vendore që do të mbahen me 6 Mars, do të jenë zgjedhjet më të vështira pasi vlera e tyre do t?u japë fund mashtrimeve.

I ftuar në Radarin Informativ, Paloka u shpreh se këto zgjedhje do të tregojnë se, cilët janë demokratët e vërtetë.

Ndër të tjera Paloka ka theksuar se, Lulzim Basha po nënvlerëson këto zgjedhje.

?Këtu mund të jenë zgjedhjet më të vështira që kemi kaluar. Vlera e këtyre zgjedhjeve do jetë sepse do i japë fund historisë së mashtrimeve, manipulimeve.

6 Marsi do i tregojë jo vetëm demokratëve dhe të gjithë shqiptarëve se kush janë. Ne kemi kërkuar votën. Nga dita e parë i kam thënë Lulzim Bashës, votëbesohu. Ia kam kërkuar kokë më kokë publikisht deri më datën 5 Janar.

Në këtë moment Lulzim Basha ka përsëritur që nga dita e parë që këto zgjedhje janë të parëndësishme. Janë përpjekur t?i nënvlerësojnë zgjedhjet. Ata kanë thënë se nuk kanë rëndësi këto zgjedhje, edhe po humbën Basha nuk do japë dorëheqjen.

Sipas tyre paska qenë Berisha fajtori që humbën zgjedhjet. Amerikën tani e kanë me vete. Çfarë justifikimi do gjejnë. Ata kishin ëndërr që ne të hynim në zgjedhje pa komisioner. Kjo shpresë iu pre me këtë lëvizje që ne bëmë. Pas 6 Marsit demokratët do shohin kush është armiku i vërtetë. Sot rrezikohet pluralizmi në Shqipëri?, u shpreh ai./A.E-CNA.al





Lajmet e fundit nga