Qeveria nuk ndal pagesat për klientët e saj/ Miliona për Gentian Sulën e skandalit të KESH, zbulohet “loja” me kompaninë

16 Shkurt 2022, 13:54, Denoncim CNA

Të tjera skandale vijojnë të dalin në dritë në lidhje me koncesionet, e Qeverisë shqiptare.

Sot, MCN ka publikuar një skandal, që lidhet me çmimin e naftës.

Ndërkohë që çmimi i naftës vazhdon të rritet, qeveria shqiptare, në vend të ulë taksat, bën të kundërten. Jep një koncesion, i cili do të faturohet në xhepat e qytetarëve shqiptarë.

Sipas MCN, ?Ministria e Financave, përmes Drejtorisë së Koncesioneve, ka nisur procedurat për të dyfishuar tarifën e kontrollit të pompave në stacionet e karburanteve nga 14 mijë lekë për pompë në vit që është aktualisht në 28 mijë lekë në vit. Kjo tarifë i paguhet kompanisë koncesionare Noa Control nga shoqëritë e karburanteve, por paguesi fundor i saj është konsumatori, pasi pikat e karburanteve e përcjellin koston në çmimin final të naftës.?

Por, kush është NOA Control?

Sipas ekstraktit zyrtar në QKB, NOA Control është një kompani e themeluar në 17.04.2015, dhe ka si ortak të vetëm Gentian Sulen.

Ndërsa adresa e kësaj kompanie, sipas ekstraktit, është ?Tiranë, Bulevardi Deshmoret e Kombit, Kullat Binjake, Kati 2, Kodi Postar 1000.?.

Por, emri i Gentian Sulës, shfaqet edhe në një tjetër aferë.

Bëhet fjalë për aferën KESH-NOA, një skandal i denoncuar nga CNA.al me dokumente zyrtare. Një çështje korruptive e prodhuar në sektorin energjitik. Faktet dhe dokumentat ngrenë dyshime se në këtë aferë të KESH, janë përfshirë ish-drejtori Benet Beci, apo edhe Autoriteti i Konkurencës. (Lexo këtu)

Në mars të vitit 2021, në kulmin e krizës energjitike, KESH ka lidhur një kontratë me një kompani private, NOA Energy Trade, për shkëmbim të energjisë. Dhe skandali qëndron pikërisht në faktin se nuk janë përcaktuar oraret e shkëmbimit.

Sipas kontratës në fjalë, kompania NOA Energy Trade, merr energji nga KESH në oraret e pikut, atëherë kur çmimi është disa herë më i lartë dhe ia kthen në orët pas mesnate, kur çmimi i energjisë është shumë herë më i ulët.

Pra, NOA merr energji nga KESH në pikun e saj dhe e shet jashtë, dhe më pas ia kthen Korporatës, pas mesnate kur çmimi në treg është diku rreth 50 euro. Duke bërë që kompania private të fitojë miliona euro. Ndërkohë që KESH mund ta kishte shitur vetë këtë energji, dhe të arkëtojë të ardhura.

Por, kush është NOA Energy Trade?

Kjo kompani është themeluar me 27.09.2014 dhe ?rastësisht? ka të njëjtin pronar me ?NOA Control?. Pra, aksioner i vetëm i të dy kompanive është Gentian Sula, i cili zotëron 100% të kapitalit.

Një tjetër detaj, është edhe adresa.

Ashtu si ?NOA Control? edhe NOA Energy Trade ka të njëjtën adresë. ?Tiranë, Bulevardi Deshmoret e Kombit, Kullat Binjake, Kati 2, Kodi Postar 1000.?/CNA.al

Afera KESH-NOA/ Skandali që ?fundos? të besuarin e Ramës?

Kamikazët në MF, që po rrisin prapë taksat mbi naftën

Afera KESH-NOA/ Drejtësia palë me korrupsion, SPAK trembet nga të paprekshmit?

Afera KESH-NOA dhe heshtja e të gjithëve

Pse Basha nuk flet për aferën KESH-NOA?!