Reforma në Drejtësi kapi e dënoi Tahirin, por tashmë rrezikon të dënojë një plakë për shkak se rrëzoi një gardh

9 Shkurt 2022, 12:51, Denoncim CNA

Nga Elton Qyno

Në një kohë kur ish-ministri i Brendshëm, Saimir Tahiri, është dënuar me 3.4 vite burgim për akuzën e ?Shpërdorimit të detyrës? dhe ditën e sotme është transferuar në burgun e sigurisë së zakonshme në Fier, Reforma në Drejtësi është trumbetuar nga qeveria dhe ndërkombëtarët si efikase dhe frytdhënëse për sa i përket goditjeve të zyrtarëve të nivelit të lartë.

Por në fakt kjo reformë në Drejtësi, ka sjellë një përshtjellim në vendimarje, pasi pikërisht në të njëjtën kohë kur SPAK, ka dënuar Tahirin, në gjykatën e Vlorës, është çuar për gjykim një dosje penale, ku e pandehur është marrë e moshuara 74-vjeçare, Androniqi Koka, e cila akuzohet nga prokuroria e Vlorës për veprën penale të ?Vetëgjyqësisë?.

Androniqi, akuzohet se në 19 tetor 2019, në pronën e saj në Dhërmi, ka shkuar dhe ka rrëzuar një gardh, i cili ishte vendosur nga Helidon Gjikoka. Për shkak të rrëzimit të këtij gardhi, Helidon Gjikoka, ka mbëritur me avion nga Anglia në Dhërmi, duke bërë kallëzim penal për të moshuarën në prokurorinë e Vlorës.

Prokuroria e Vlorës e trajtoi rastin dhe më pas vendosi të pushojë hetimet dhe akuzën për të moshuarën 74-vjecare, Androniqi Kokës.

Por çështja u rikthye sërish për rihetim pas një vendimarje të marrë nga gjykata e Vlorës, e cila urdhëroi prokuroren e çështjes që të tërheqë dosjen mbrapsht dhe ti komunikojë akuzën e ?Vetëgjiqësisë?, Androniki Kokës, vetëm për faktin se ajo rrëzoi një gardh të vendosur në pronën e saj në mënyrë të paligjshme nga Helidon Gjikoka.

Tashmë dosja ndaj 74-vjeçares është dërguar në gjykatë, ku Androniqi është marrë e pandehur dhe që sipas shumë gjasave edhe mund të deklarohet fajtore dhe dënohet vetëm për faktin se rrëzoi një gardh në pronën e saj.

Dukshëm Reforma në Drejtësi, nuk po kursen jo vetëm nivelet e larta dhe Krimin e Organizuar, por derman nuk po gjejnë as nivelet e shtresës së moshës së tretë, që po dënohen për gardhe e lëvizje të gurëve të sinorit në pronat e tyre në bregdet./CNA.al