web counter
LEXO PA REKLAMA!

SHKARKO APP

App Store
Google Play

E fundit!

x

Skema mafioze e inceneratorit të Elbasanit/ Provat që “fundosin” Qeverinë

10 Shkurt 2022, 09:10, Denoncim CNA

Deputeti i PD, Luçiano Boçi ka reaguar lidhur me aferën korruptive të inceneratorit të Elbasanit.

Në një postim në rrjetet sociale, ai publikon disa pamje të grumbullit gjigand të plehrave, cili sipas tij sa vjen edhe bëhet më i madh.

Boçi akuzon kryeministrin Edi Rama se u ka grabitur qytetarëve përmes kësaj afere plot 22 milionë euro.

Ai shton më tej se mazhoranca po tenton të fshehë korrupsionin, i cili është denoncuar hapur edhe nga CNA, aferë e dorëzuar tashmë edhe para SPAK.

Sipas Boçit, Inceneratori është aty, por është i ndërtuar me një skemë mafioze grabitëse të drejtuar nga Rama.

?Dje përfaqësuesit e mazhorancës nxituan të mbulojnë me plehra procedurën korruptive të inceneratorit të Elbasanit të vënë në sekuestro nga SPAK.  Në Elbasan inceneratori është ndërtuar, por ai nuk është teknologjia më e mirë.

Inceneratori është aty, por është i ndërtuar me një skemë mafioze grabitëse të drejtuar nga Rama.

Qytetarëve të Elbasanit iu grabitën 22 milion euro, ndërkohë që kostot për të janë disa herë më të vogla.

Qytetarëve të Elbasanit krahas 22 milion eurove vazhdohet t?i vilen xhepat nga Rama-incenerator me tarifa pastrimi të të shtuara për të mbajtur inceneratorin, megjithëse ata e kanë paguar njëherë atë dhe megjithëse u premtua se ai do ishte rentabël me shitjen e energjisë dhe avullit?,  shkruan në profilin e tij zyrtar deputeti i PD.

Boçi shkruan ndër të tjera se politika po kthehet në një avokate të krimit dhe jo në shërbim të qytetarëve, që jo vetëm po u zhvaten xhepat vazhimisht, por ata edhe po helmohen çdo ditë nga gazrat e dëmshëm./CNA.al





Lajmet e fundit nga