E fundit!

16:00 Aktualitet

“Të shtyhet afati i komisionit”/ Zhupa te “Territorialja”: Duhet mendimi i ekspertëve ndërkombëtarë për ndarjen e re

Deputetja e Partisë Demokratike, Ina Zhupa, ka kërkuar në ...

Gjymtoi 29-vjeçarin/ Gjykata rrëzon marrëveshjen e prokurorit për lirimin e autorit pas transmetimit në Fiks Fare

14 Shkurt 2022, 20:36, Denoncim CNA

Në datën 3 shkurt 2022, emisioni investigativ Fiks Fare denoncoi prokurorin e Sarandës Ilir Hoxha, i cili bëri një marrëveshje me një të arrestuar për ta liruar, pavarësisht se ai kishte gjymtuar një 29 vjeçar.

Arbijas Kreci qëndroi për muaj me radhë në spital në Shqipëri dhe Turqi, ku kreu dhjetëra operacione. Ai humbi njërën këmbë, por pavarësisht kësaj prokurori në Shqipëri bëri marrëveshje me të pandehurin, pa e pyetur dhe pa bërë raport mjekoligjor.

?Unë qëndroja në Turqi dhe prokurori Ilir Hoxha kërkoi lirimin e autorit Luan Muçodemi nga burgu. Unë sakat, autori i lirë. Tani ka ngelur vetëm që autori të marrë dekorata? tha Arbijasi, i cili kundërshtoi me forcë veprimet e organit të akuzës. ?Mua s?më ka marrë askush në pyetje. Prokurori ka përdorur një raport mjekoligjor kur unë isha në Spitalin e Sarandës dhe jo situatën pas 12 operacioneve në Turqi ku unë humba njërën këmbë. Madje, gjymtimin s?e shkruan fare në dosje?, vijoi Arbijasi.

Pas ankesës, familjarët e Arbijasit takuan prokurorin Ilir Hoxha, në ambientet e Prokurorisë së Sarandës. ?Edhe sikur të dyja këmbët të humbasë, edhe gjymtyrët e sipërm, sërish plagosje e rëndë quhet? justifikohet prokurori, teksa vijoi se ?nëse do kishte vdekur, do e kishte dokumentuar nga se i kishte ardhur vdekja?. Prokurori u thotë familjarëve që të flasë për gjëra reale, ndërkohë familjarët i përgjigjen se ?po këmba që humbi Arbijasi, nuk është reale?!?.

Familjarët e pyetën edhe përse do ta lirojë dhe ta konsiderojë jo të rrezikshëm, kur ishte totalisht i dehur dhe shkaktoi ato pasoja. Prokurori u përgjigjet se ?unë e vlerësoj se rrezikshmëria e tij është e pakët?.

Pavarësisht kësaj përgjigjeje, prokurori nuk u jep as dosjen. ?Kërkesën e keni bërë për drejtuesin dhe tani ai nuk është më, pasi është caktuar drejtues i ri? justifikohet prokurori Hoxha.

Por, pas transmetimit, Gjykata e Sarandës në datën 10 shkurt 2022, shqyrtoi marrëveshjen e prokurorit Ilir Hoxha me të pandehurin Luan Muçodemi. Në këtë seancë ishte i pranishëm edhe Arbijasi, duke i kërkuar gjykatës që të rrëzonte prokurorin Ilir Hoxha.

Gjykata, pas shqyrtimit, vendosi që të rrëzojë marrëveshjen dhe urdhëroi prokurorinë e Sarandës që të vijojë hetimet duke i kërkuar që të bëjë një raport të ri mjekoligjor.

Madje i kërkoi që të bëjë edhe një akt ekspertimi të ri, pasi çuditërisht në dosje rezultonte se shpejtësia e mjetit që drejtonte Muçodemi ishte rreth 80 km/h, në një kohë që mjeti i ndaluar i Arbijasit ka lëvizur për metra me radhë.

?Unë shkova personalisht në Gjykatën e Sarandës. Kërkova rrëzimin e marrëveshjes. Pikërisht për raportin mjekoligjor ku nuk shkruhet gjymtim. Gjithashtu edhe për raportin autoteknik. Gjykata e pranoi dhe urdhëroi të bëheshin këto veprime? tha Arbijasi, teksa në fund kishte edhe një falënderim. ?Falënderoj Fiks Fare, të gjitha këto erdhën pas interesimit të gazetarëve?, përfundoi ai./tch