web counter
LEXO PA REKLAMA!

SHKARKO APP

App Store
Google Play

Mesazhi i ministres gjermane për Europën/ Luhrmann pro “Ballkanit të Hapur”

18 Janar 2022, 09:49, Politikë CNA

“Ne mbështesim nismat e bashkëpunimit të krerëve të shteteve të Ballkanit Perëndimor. Këtu të përfshihen të gjashta vendet dhe nismat duhet të jenë gjithëpërfshirëse.  Duhet të ngrihet tregu i përbashkët rajonal. 4 liritë e mëdha, e lëvizjes së mallrave, shërbimeve, njerëzve dhe kapitalit, janë thelbësore për zhvillimin e rajonit?.

 Kështu ka deklaruar nga Tirana ministrja gjermane për Europën, Anna Luhrmann, pas takimit që zhvilloi me zv. Kryeministrin Arben Ahmetaj

Sipas saj procesi i Berlinit mbetet i një prioriteti të madh edhe për Qeverinë e re të Gjermanisë.

Luhrmann, është shprehur me nota pozitive sa u përket reformave që ka ndërmarë Shqipëria, si kushte për t?u integruar zyrtarisht në BE.

“Për mua është e rëndësishme të dërgoja një mesazh këtu në Shqipëri, ndaj dëshiroj të bëj të qartë se Shqipëria dhe Ballkani Perëndimor kanë një perspektivë të qartë drejt Bashkimit Evropian. Në bashkëpunojmë ngushtësisht në shumë sektorë. Pikërisht këtë vit kur Shqipëria ulet për herë të parë në Këshillin e Sigurimit të OKB ne gëzohemi që do të mund të mbështetemi te Shqipëria si partner i besueshëm.  Shqipëria ka bërë hapa para edhe në drejtim të luftës kundër krimit të organizuar. Kjo meriton një lavdërim të madh. Në këtë rrugë do të duhet të vijohet më tej me vendosmërinë. Dhe këtu janë të nevojshëm si Qeveria dhe opozita, hapat pas do ta dëmtonin procesin”, është shprehur Luhrmann./CNA.al





Lajmet e fundit nga