LEXO PA REKLAMA!

SHKARKO APP

Balla zëdhënësi i PD/ Këlliçi: Turp më të madh nuk ka, distancoheni nga orkestrimi antipluralist

17 Janar 2022, 18:16, Politikë CNA

Deputeti i PD  Belind Këlliçi ka reaguar pas debateve që u shkaktuan në Kuvend, ku kryeparlamentarja Lindita Nikolla lexoi ndryshimet e bëra nga Lulzim Basha për përjashtimin e kritikëve të tij.

Në një postim, Këlliçi ka komentuar ndërhyrjen e Taulant Ballës që i jepte mbështetje Bashës në vendimin e tij, ndërsa shton se kjo gjë ndodh për herë të parë që përfaqësuesi i mazhorancës bëhet zëdhënës i opozitës.

Duke e cilësuar këtë si një turp, ai i ka bërë thirrje që të distancohen nga nga ky orkestrim antipluralist, që e kthen PD në një kamare të bashkëqeverisjes.

?Kolegë deputetë të Partisë Demokratike! Pamë sot një shfaqje të bashkëorkestruar. Ishim në të njëjtën sallë.

Ndodh për të parën herë që Taulant Balla bëhet zëdhënës i forcës sonë politike.Turp më të madh nuk ka!

Ju bëj një thirrje të sinqertë të distancoheni nga ky orkestrim antipluralist, që e kthen PD në një kamare të bashkëqeverisjes.

Ju kërkoj të reflektoni.

Qëndrojini besnikë Kushtetutës, ligjeve dhe Rregullores së Kuvendit?, shkruan Këlliçi./CNA.al

Lajmet e fundit nga