web counter
LEXO PA REKLAMA!

SHKARKO APP

App Store
Google Play

Basha “u ha kokën” kritikëve/ I përjashton edhe nga komisionet parlamentare

17 Janar 2022, 15:26, Politikë CNA

Lulzim Basha është shfaqur i vendosur për ?tu ngrënë kokën? të gjithë atyre që i kanë dalë kundër, ku përveç përjashtimit nga grupi parlamentar, i përjashtoi edhe nga komisionet.

Në shkresën e firmosur nga Gazment Bardhi, bëhet me dije se deputetët Albana Vokshi, Flamur Noka, Luan Baçi dhe Edmond Spaho, nuk do të jenë më pjesë e grupit parlametar pas masave disiplinore të mara nga Kryesia e Partisë Demokratike, e cila është shkarkuar në Kuvendin Kombëtar të 11 Dhjetorit.

Partia Demokratike njofton Kuvendin se kreu i grupit Parlamentar do të jetë Enkelejd Alibeaj, post ky i mbajtur nga Alfred Rushaj.

Ndërsa Agron Gjekmarkaj do të jetë nënkryetar Kuvendi, duke marr postin që ka mbajtur deputeti Enkelejd Alibeaj.

Pas vendimeve të marra ditën e shtunë në Këshillin Kombëtar, PD njofton edhe propozim-emerime te tjera që kanë të bëjnë me drejtimin e komisioneve parlamentare dhe në Byronë e Kuvendit.

Kryetar i Komisionit të Shëndetësisë: Grida Duma

Kryetar i Komisionit të Arsimit: Flutura Açka

Nënkryetar i Komisionit të Ligjeve:Dhurata Çupi

Sekretariati për Buxhetin: Xhelal Mziu (sekretar)

Sekretariati për Procedurat, Votimet dhe Etikën: Bledion Nallbati (anëtar)

Sekretariati për Statusin e Deputetit: Dashnor Sula (sekretar)

Sekretariati për Kërkimin Parlamentar, Bibliotekën dhe Botimet: Lindita Metaliaj (anëtar)

PD njofton se kanë propozuar edhe ndryshime në përbërjen e delegacioneve të përhershme të Kuvendit pranë organizatave ndërkombëtare./CNA.al





Lajmet e fundit nga