web counter
LEXO PA REKLAMA!

SHKARKO APP

App Store
Google Play

"Vëllai i qëndron pranë vëllait kur ka nevojë"/ Erdogan: Njësoj siç e tha miku im Rama

17 Janar 2022, 11:53, Politikë CNA

“Ju kam sjellë këtu të gjithë dashurinë e miliona zemrave dhe përshëndetjet e përzemërta të popullit turk. Nga këtu nëpërmjet jush dua të përcjell përshëndetjet e popullit tim për mbarë Shqipërinë. Gëzimi i Shqipërisë është gëzimi ynë, dhe hidhërimi i Shqipërisë është njëkohësisht hidhërimi ynë?.

Kështu ka deklaruar Presidenti turk Erdogan nga Laçi, në ceremoninë e dorëzimit të 522 banesave të ndërtuara nga Turqia për familjet e dëmtuara nga tërmeti.

Më tej ai u shpreh se vëllai i qëndron pranë vëllait kur ka nevojë.

?Mirëqenien dhe paqen tuaj e konsideroj të njëjtë si tonën. Duke qenë një popull i një vendi i cili ka përjetuar dhimbje të ngjashme shumë herë më përpara tërmetet e ndodhura në Shqipëri na lënduan zemrat tona njësoj si popullit shqiptar. Sapo morëm lajmin e hidhur menjëherë jemi vënë në lëvizje për të shëruar sadopak plagët e të lënduarve. Njësoj siç e tha miku im Rama në fjalën e tij, vëllai i qëndron pranë vëllait kur ai ka nevojë”,  u shpreh Erdogan.

Po ashtu, Erdogan sulmoi edhe shtetet e tjera të mëdha nga Laçi duke theksuar se ndërkohë që ata mbyllen kufijtë gjatë pandemisë, Turqia iu gjend pranë popujve në nevojë.

?Gjatë pandemisë, ndërkohë që ato vendet e mëdha mbylleshin në vete, mbyllnin kufijtë, mbyllnin sytë,m ne nuk e bëm këtë, por vrapuam për të ndihmuar duke dalë jashtë kufijve për të ndihmuar vëllezërit tanë?, tha ai.

?Ne morëm vendim duke firmosur dhe një memorandum mirëkuptimi që shtëpitë, banesat, që ishin të rrënuara, të ribëheshin, rindërtoheshin nga zeroja. Sot po i dorëzojmë këto banesa, që janë 522 njësi banimi, të cilat kanë kushtuar 42 milion euro?, theksoi Presidenti turk./CNA.al





Lajmet e fundit nga