web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore/ KQZ i përgjigjet Metës

17 Janar 2022, 12:32, Politikë CNA

KQZ i është përgjigjur presidentit Ilir Meta, pas kërkesës së këtij të fundit, në lidhje me fillimin e procedurave për zhvillimin e zgjedhjeve të pjesshme vendore, në gjashtë bashki.

Në shkresën e saj, ajo thekson janë dy bashki që janë dy bashki për të cilat KQZ është njoftuar në rrugë institucionale. Është fjalë për bashkinë e Vorës dhe atë të Dibrës.

Ndërkohë që për rastet e bashkive të tjera, këshillat bashkiakë sipas ligjit kanë vënë në dijeni vetëm këshillin e ministrave dhe jo Komisionin Qendror të Zgjedhjeve.

Në rastin e Shkodrës, kemi bërë me dorëheqje të kandidatit Valdrin Pjetri para se KQZ ta shkarkonte. Një precedent i ngjashëm është edhe ai në bashkinë e Durrësit ku kryetarja Valbona Sako u dorëhoq nga posti pas deklaratës së bërë pas tërmetit të 26 Nëntorit.

Në Bashkinë e Lushnjes, Fatos Tushe u shkarkua me vendim të kryeministrit Edi Rama pas arrestimit për shkelje në tendera.

Një rast i veçantë është ai i Rrogozhinës, kur kryebashkiaku Haxhi Memolla ndërroi jetë si pasojë e një arresti kardiak duke lënë bosh postin e kryetarit.

Për shkak të rrethanave, procesi për shpalljen e vakancës në këto bashki nuk është kaluar përmes Komisionit Qendror të Zgjedhjeve. Tashmë presidenti do duhet të kërkojë informacion në kryeministri, pasi ky institucion e monitoron këtë proces përmes prefektëve. 

Kujtojmë këtu se disa ditë më parë, Meta në një deklaratë për mediat tha se është e papranushme që gjashtë bashki janë pa kryetar.

?Sot përmes një letre zyrtare, të dërguar Komisionerit Shtetëror të Zgjedhjeve, kam kërkuar informacion mbi faktin se:

Kush janë saktësisht ato Njësi të Qeverisjes Vendore (Bashki), në të cilat përgjatë kësaj periudhe 30 qershor 2019 ? Janar 2022, sipas informacionit dhe vlerësimit ku Kryetarëve të Bashkive u ka përfunduar mandati në mënyrë të parakohshme?

Cili është shkaku ligjor dhe akti përmes të cilit është realizuar përfundimi i parakohshëm i mandatit dhe për plotësimin e të cilave është i domosdoshëm organizimi i zgjedhjeve të pjesshme për kryetarin e bashkisë, në përputhje me dispozitat e Kodit Zgjedhor të Republikës së Shqipërisë?

Mbetem në pritje të një përgjigje sa më të shpejtë nga Komisioneri Qendror i Zgjedhjeve, në mënyrë që si Presidenti i Republikës, të vazhdoj të ec përpara për zgjidhjen e shpejtë të kësaj situate në interes të të gjithë qytetarëve të bashkive pa kryetarë.?-tha ndër të tjera Meta, në 14 janar./CNA.al

Zgjedhjet vendore/ ?Dorëzohet? Meta, zbulohet lëvizja e Presidentit 





Lajmet e fundit nga