web counter
LEXO PA REKLAMA!

SHKARKO APP

App Store
Google Play

E fundit!

x

“Zëdhënës i bravave”/ Përplasje në Kuvend mes Ballës dhe Nokës

17 Janar 2022, 16:04, Politikë CNA

Përjashtimi i kritikëve të Lulzim Bashës nga grupi parlamentar ka ndezur përplasje mes kreut të grupit parlamentar të PS, Taulant Balla dhe deputetit Flamur Noka.

Balla është shprehur se mbështet qëndrimin e kryetares së Kuvendit, Lindita Nikolla dhe vendimin e Bashës për përjashtimin e tyre e cilëson si të drejtë.

?Unë mbështes qëndrimin tuaj zonja kryetare e Kuvendit. Nikolla bëri atë që ka ndodhur historikisht në shumë legjislatura. Këtu janë njoftuar vendime për përjashtime gjithmonë, ashtu siç është bërë më parë me Spartak Ngjelën dhe të tjerët. Në këtë aspekt e drejta e Grupit parlamentar të PD-së është e drejtë ekskluzive në rregulloren e Grupit Parlamentar. Nuk flas si deputet i shumicës por si një deputet me shumë legjislatura këtu dhe më një ekperiencë të madhe. Grupi parlamentar duhet ta saktësojë sepse nuk ka deputet të pezulluar. Seanca duhet të vijojë normalisht?, shprehet Taulant Balla.

Por deputeti Flamur Noka ka reaguar ashpër ndaj deklaratës së Ballës, duke u shprehur se Balla ka dashuri të madhe për të kontrolluar pengun, por që të vazhdojë të bëjë zëdhënësin e PD , kjo është një fyerje shumë e madhe.

?Balla ka dashuri të madhe për të kontrolluar pengun, këtë e kupton çdo demokrat në këtë cep. Ju nuk mund ta pranoni që Balla të flasë në emër të PD , kjo është një fyerje shumë e madhe për PD, në rast se pengu nuk flet. Taulant Balla të vazhdojë në grupin e tij por mos bëjë zëdhënësve të bravave, kjo është e turpshme dhe e neveritshme. Ju jeni për të administruar aty seancat, komisioni i rithemelimit ku ka sjellë shkresën dhe nuk ju referoheni shkresës sonë por të shoqatës së bravave, ju urdhëron pengu i regjimit. Në emër të PD flasim vetëm ne që jemi mandatar nga demokratët. Nuk na caktoni ju kush është apo jo demokrat. Nuk mund ta fusni në thes as ju as Edi Rama. Pengun e mbani aty sepse e doni shumë”, -iu përgjigj Noka./ A.E-CNA.al





Lajmet e fundit nga