web counter
LEXO PA REKLAMA!

SHKARKO APP

App Store
Google Play

Deklaratat për vrasje deputetësh/ A do të thirret në prokurori Spartak Braho?

11 Janar 2022, 19:21, Politikë CNA

Spartak Braho, një ish prokuror i kohës së diktaturës, brenda 5 ditëve ka dhënë dy deklarata të rreme dhe që kanë përhapur jo pak panik.

Braho, në datën 7 janar deklaroi se kishte informacione të sakta se në protestën që do mbahej para selisë së PD do të kishte viktima dhe duke iu referuar deklaratës së tij do të vritej deputeti Enkelejd Alibeaj.

Menjëherë pas kësaj deklarate, Alibeaj kërkoi mbrojtje nga Garda, ndërkohë që ish prokurori i diktaturës nuk ka dhënë asnjë dëshmi në organin e akuzës.

Por edhe Garda, nga ana e saj nuk bëri asnjë verifikim për këto deklarata, por iu vu në dispozicion deputetit demokrat.

Por nuk u mjaftua me kaq. Braho lëshoi një tjetër ?bombë? ditën e sotme. Ai tha se përveç Alibeajt, kishte informacione se do vriteshin edhe katër persona të tjerë, mes tyre edhe deputetët Gazment Bardhi dhe Ervin Salianji.

Në asnjë rast, ish deputeti nuk ka dhënë detaje se nga i ka siguruar këto informacione.

Por çfarë ndodhi në datën 8 janar?

Protesta u mbyll pas rreth tre orësh dhe nuk u shënua asnjë viktimë, por vetëm disa të plagosur nga rradha e protestuesve demokratë.

Kryeprokurorja Elisabeta Imeraj, së bashku me prokurorin Elio Mazreku zbarkuan në selinë blu, e cila u shpall ?skenë krimi? dhe mblodhi provat e dhunës së ushtruar.

Por ajo që ngre pikëpyetje është se kur do thirret për të dëshmuar Spartak Braho? A do tregojë ai të vërtetën se ku i ka marrë këto informacione për viktima në protesta? A duhet të ketë një reagim nga organet kompetente ndaj ish deputetit të PS?

Këto janë pyetjet që kërkojnë një përgjigje dhe një reagim nga ana e prokurorisë./CNA.al

Trondit Spartak Braho: Një deputet rrezikon të vritet nesër në protestën e PD!/ Tregon inicialet

Braho vijon me imagjinatën e tij/ Përveç Alibeajt, këta ishin dy deputetët e tjerë që do vriteshin

?Do vritet një deputet i PD?/ Si mashtroi Spartak Braho për protestën e sotme





Lajmet e fundit nga