Nga zgjedhjet e përgjithshme, tek kriza në PD/ 2022-shi,"shkund” politikën

1 Janar 2022, 14:00, Politikë CNA

Viti 2021 ka qenë mjaft i ngarkuar sa i takon sferës politike. Nga mbajtja e zgjedhjeve të përgjithshme të 25 prillit, tek akuzat ndaj palëve politike, përçarja mes PD dhe LSI e deri tek kriza e brendshme në kampin blu. Por duket se edhe viti 2022 do të ?shkundë? politikën. Këtë gjë e ka bërë të ditur deputeti Edmond Spaho. Në një intervistë për CNA.al ai deklaroi se vendi qeveriset nga një qeveri arrogante, duke shtuar se aksioni i opozitës do të vijojë deri në rrëzimin e Edi Ramës.

?Viti 2021 ka qenë i ngarkuar me ngjarje politike si rrallë ndonjë vit tjetër gjatë viteve të tranzicionit. Mendoj se zanafilla e tyre lidhet me zgjedhjet e 25 Qershorit, manipulimin nëpërmjet instrumentave të pushtetit por sidomos me patronazhistët. Duke theksuar këtë, nuk dua të lë pa evidentuar gabimet e PD para, gjatë dhe pas fushatës elektorale.

Ne përsëritëm gabimet e viteve të fundit ku listat e deputetëve dalin me vonesë, shtabet e qarqeve të pangritura në prag të fushatës, program elektoral i fryrë dhe deri diku i pabesueshëm, fushatë e përqëndruar tek Kryetari i Partisë dhe jo tek PD, mungesë financimi dhe një sërë dobësish të tjera të cilat prodhuan rezultatin që dihet.

Viti që vjen pa dyshim që do të jetë i ngarkuar politikisht pasi qeverisemi nga një qeveri jo legjitime, arrogante, e paaftë, e korruptuar, e lidhur me krimin dhe e prirur të shkojë nga skandali në skandal. Të jeni e sigurt që me veprimet që ka ndërmarrë gjatë fundvitit, opozita do kapërcejë problemet e brendeshme dhe do përqëndrohet në rrëzimin e narkoshtetit të Edi Ramës. Zoti Berisha shpalli së fundi se do të kemi një seri të pafund protestash deri në rrëzimin e regjimit që po na sundon?, tha Spaho për CNA.al.

Ndërsa sa i takon të ardhmes së PD, deputeti deklaroi: ?Padyshim që PD u fut pas zgjedhjeve të 25 Prillit në një krizë të thellë. Basha i humbi zgjedhjet për herë të katërt dhe u mundua ta justifikojë këtë me manipulimin zgjedhor. Ai premtoi që nuk do i njohë zgjedhjet, që e gjithë energjia e PD në muajt e ardhshëm do të ishte mbledhja e fakteve e dokumentimi para komunitetit ndërkombetar i manipulimit zgjedhor si dhe beteja ndaj regjimit ilegjitim të Edi Ramës.

Në të vërtetë asgjë nga këto nuk ndodhi. Ai mashtroi anëtaresinë derisa siguroi rizgjedhjen në krye të Partisë. Veprimi që ndërmori më pas për përjashtimin e Z. Berisha nga Grupi Parlamentar, pa konsultuar asnjë strukturë të Partisë, e derdhi kazanin.

Sot në PD ka një shumicë absolute që përfaqësohet nga rreth 4450 delegatë të Kuvendit të cilët votuan shkarkimin e Bashës nga funksioni i Kryetarit të PD dhe rreth 44 mijë anëtarë të cilët ratifikuan këtë vendim në referendumin e 18 Dhjetorit.

Në ju kemi bërë thirrje cilitdo nga mbështetësve të Bashës që ti bashkohen PD të rithemeluar dhe të reformuar. Slogani ynë është për një PD më të hapur, më të bashkuar dhe më të fortë për të përmbysur Ramën. Është zgjedhja e tyre të vendosin se në cilin krah do rradhiten. Anëtarësia dhe qytetarët po shohin të rilindë një opozitë e fortë dhe shpresa për ndryshim?./CNA.al