web counter
LEXO PA REKLAMA!

SHKARKO APP

App Store
Google Play

Godet sërish Saimir Korreshi/ Mollët i fshihnim poshtë divanit

20 Dhjetor 2021, 13:55, Politikë CNA

Deputeti i Partisë Demokratike, Sajmir Korreshi ka goditur sërish sot gjatë fjalës së tij në foltoren e Kuvendit.

Korreshi, u ndal tek varfëria që sipas tij që ka kapluar vendin, pasi buxheti nuk po shkon tek familjes shqiptare.

Ai shtoi se familjet shqiptare nuk po sherbetosin bakllavanë, se kanë frikë se ua hanë fëmijët para Vitit të ri.

Po ashtu ai tha se kjo i kujton kohën ?kur mbanim mollët poshtë divanit, se kishim hall se i hanim para kohe.?

?Buxheti i shtetit shqiptar nuk e kalon Vitin e Ri, ashtu si gjeli i detit. Ky buxhet do ta lërë zi e më zi Shqipërinë, do të sjellë zi për familjet shqiptare, të cilat nuk po shërbetosin dot as bakllavanë, pasi kanë frikë se ua hanë fëmijët para Vitit të Ri. Më kujtohet koha kur mbanim mollët poshtë divanit se kishim hall se i hanim para kohe.

Shikojini gjykatat, sa janë rritur divorcet. Pse? Sepse njerëzit nuk kanë bukë të hanë, nuk po përballojnë dot jetesën dhe kjo i çon në divorce çiftet. Shikoni shëndetësinë, shikoni Spitalin e Lushnjes, ku ilaçet duhet ti blesh te farmacia përballë, sepse spitali s?ka vetë. Njerëzit kanë marrë kredi për tu kuruar nga Covid-19, pasi nuk e përballojnë dot kostot.

Ku është shpërblimi për Covid-19? Shikoni arsimin, po ashtu në ditët më të zeza të tij, kemi shkolla me 750 nxënës që nuk kanë as banjë. Degët nëpër universitete po mbyllen. 3.2 mln euro për fermerët janë turp për bujqësinë. Me ato lekët, mund t?u jepni vetëm sufllaqe kur të qajnë për produktet që hedhin ne kanal.? – tha Korreshi./CNA.al





Lajmet e fundit nga